素海霖怒轟台灣旅遊被偷拍 ：紅唔紅都好 都唔係咁樣！
廣告
現年26歲的素海霖（Erena /日本藝名：繪麗奈）係港產第一位女優，人氣急升的素海霖除咗因為佢女優的身份仲加上佢爽直的性格。近日佢去咗台灣旅遊，不過佢喺社交平台自爆有段不愉快的經歷！
素海霖台灣放天燈被偷拍
素海霖在社交平台上載多張去旅行時嘅靚相，係分享嘅同時亦都自爆不愉快經歷，表示自己放天燈時被一對香港情侶偷拍：「準備放天燈既時候有一對香港人情侶認得我，望住我笑笑口跟住就搵個鏡頭對住我想影我，而唔係走過來同我say hi先」，又表示並非覺得自己好紅：「紅唔紅都好，都唔係咁樣影人呱」。
粉絲力撐：問都唔問影人真係好唔尊重人
素海霖的帖文一出，隨即引來大批網民留言：「問都唔問影人真係好唔尊重人」、「我都想同你合照 但一定會禮貌地邀請你」、「好心啲人有啲禮貌，想影相都要問左人先囉」、「點解啲人偷拍人會咁理所當然？公眾人物冇人權？」「女優都有下班時間，唔係24小時對住cam架」齊齊留言力撐素海霖。仲有網民認為該偷拍的人係香港人，成件事好諷刺「可見香港人不識尊重人地肖像權，與台灣人人品質素仍然相差很遠」「其實香港人真心唔多識尊重人」「雖然事件於台灣發生，但主要人物都係香港人，都幾諷刺」
雖然都有Hater留言認為素海霖以為自己好紅「我真係覺得你以爲自己好x紅 影你咪影你囉 大不了你可以報警」「小器鬼素海霖」素海霖亦有回應「唔洗紅架，唔紅都唔中意比人咁樣影」「於自己唔鍾意嘅事，冇必要大方啦下話」
全文如下：
“是咁的，想分享一個小小不愉快既經歷喺 台灣。
準備放天燈既時候有一對香港人情侶認得我，
望住我笑笑口跟住就搵個鏡頭對住我想影我，
而唔係走過來同我say hi先首先希望你哋唔好話我係咪覺得自己好紅，紅唔紅都好，都唔係咁樣影人呱
素海霖被偷拍 驚動埋當地職員
素海霖表示自己是放天燈時被偷拍，就連當地的職員都驚動埋：「連台灣個職員女仔都問我係咪俾人偷拍，要不要走去叫他刪除」。而素海霖亦再次感謝職員當時的幫忙，直言感到十分窩心。
