《真三國無雙電影》角色還原度大對比！連張飛都留言：好難做啊！
撰文：馬高斯 ｜圖片來源： Facebook@电影时光 MoviesTimes｜編輯：海月
《真三國無雙電影》中，改編自同名遊戲的《真‧三國無双》電影版，由周顯揚及杜致朗的天一電影製作公司製作。故事講述東漢末年，政治腐敗，民間爆發黃巾起義，董卓入京霸佔朝野，呂布、曹操、劉備、關羽、張飛等群雄崛起，亂世下展開英雄對決，三國時代從此掀起。古天樂飾演呂布、楊佑寧飾演劉備、韓庚飾演關羽、張建聲飾演張飛、王凱飾演曹操、呂良偉飾袁紹、林雪飾演董卓、 姜皓文就飾演張角等等，可謂演員陣容強大！
呂布：
最多人覺得係咪拍緊《尋秦記2》，同埋膚色未免有啲黑，亦都無咗呂布應有嘅霸氣同威風。
劉備：
楊佑寧飾演嘅劉備，樣貌實在太路人太大眾面，毫無蜀國話事人嘅風範！
關羽：
呢個嘅問題同呂布都好似，完全無晒霸氣同威嚴感，身型都太瘦，好似患咗厭食症咁！
張飛：
網民覺得似嘅只有嗰肚腩，比較似係豬八戒同沙悟淨嘅合體版。
張角：
可能遊戲版張角嘅髮型比較誇張，搞到真人版睇落完全唔似，反而似東廠魏公公（笑）
咁其實都有好幾個角色，網民係認為神還原！就係呂良偉飾袁紹，同埋林雪飾演董卓，前者網民認為直頭係王中皇本人，神情同頭飾都好似；後者就肥胖嘅身型夠似，不過膚色太黑，好似包青天穿越咗去真三國世界咁。
袁紹：
董卓：
至於王凱飾演嘅曹操，網民就覺得似係似，不過似錯咗去第二個角色「于禁」，選角方面真係要再花多啲工夫先得！
曹操：
每次真人版改編電影，角色嘅還原程度一直都係網民食花生嘅地方，今次《真三國無雙》電影版真係可圈可點。不過制作方亦有參與網民嘅討論，飾演張飛嘅張建聲本人就留言，表示要神還原遊戲角色的確好有困難，不過制作團隊喺外景、CG同埋打鬥場面都花咗唔少心機制作，希望大家入場支持咁話！
真三國無雙電影預告：
https://www.youtube.com/watch?v=edrv5LZo8Xo
