陳展鵬、劉青雲陪妻買餸大不同 一個體貼老婆一個雙手插袋
廣告
陳展鵬和劉青雲兩位型男都是人人口中的愛妻號，而且寧減產留在家中陪家人！今年因受疫情影響，不少藝人為求安心都會親自出馬採購糧食，而日前，陳展鵬和劉青雲就分別被媒體影到他們與太太一同外出入貨，但採購買餸對老婆的貼心程度，似乎還是劉青雲略勝！
撰文、圖片：東方新地 ｜編輯：K.P（原文刊於：東方新地）
直擊陳展鵬單文柔拍拖買餸雙手插袋唔幫手
現時新冠肺炎疫情下，煎 Pang當然更謹慎防疫，囡囡小豬比未滿一歲，他已經訓練女兒戴口罩及自己用消毒紙巾抹手，他亦吩咐工人姐姐每天幫小豬比的玩具消毒，怕工人姐姐衞生意識低，煎 Pang更堅持自己親自外出買餸，亦會上網訂日用品。日前煎 Pang夫婦孖住到街市買餸，恩愛拍拖出巡超級有生活情趣，兩公婆行到邊都有商有量，早已是街市常客，二人買餸亦好有步驟，更全程由老婆單文柔揸 fit，在街市遊走一圈已經買到成車餸，不過煎 Pang全程雙手插袋，見單文柔拎到成手餸，直到臨上車先幫手拎一拎，似乎唔夠體貼！
劉青雲郭藹明落區買餸分工合作體貼老婆
相比煎pang，結婚23年嘅劉青雲就明顯細心得多。早前疫情未嚴峻，青雲夫婦孖住到九龍城街市買餸，怕老婆辛苦，郭藹明買完一樣劉青雲就即刻幫手袋好孭好。睇嚟結婚無耐嘅煎pang真係有排學！
