盲婚啞嫁丨陳奕迅新歌劇場版MV 清純女主角陳紫萱勁有睇頭

Jan 12 2023

陳奕迅Eason最近除咗忙於開紅館騷之外，仲不斷推出新歌，繼《人啊人》後，近日推出新歌《盲婚啞嫁》。今次新歌除咗作曲、編曲有睇頭之外，仲拍咗一條15分鐘的劇埸版，由蔡思韵、谷祖琳、陳紫萱、吳肇軒等一起演一個穿越時空的感人微電影。除咗蔡思韵、谷祖琳有睇頭之外，網民仲留意到年輕女主角陳紫萱Summer，原來係影后！

Eason新歌mv拍到微電影咁

Eason 2023年新歌《盲婚啞嫁》搵嚟最強班底合作，陳奕迅同林家謙作曲，再李榮浩編曲、監製，網民一聽已經話果然無令佢哋失望！而已再推出的15分鐘的劇埸版，都非常好睇，搵嚟一班演得之人包括蔡思韵、谷祖琳、吳肇軒及陳紫萱，仲搵埋電影美指張蚊執導，非常有電影感。網民都大讚「MV 可以拍到微電影，果然係Eason 先可以做到」

陳紫萱Summer演技大爆發

劇埸版中有蔡思韵、谷祖琳之外，網民都留意到仲有一位飾演mv年輕女角的陳紫萱Summer演技都出神入化。Summer帶出婚姻生活被支配但不甘的情緒，被其母谷祖琳摑一巴掌強忍淚水，更穿插痛失摯愛痛哭等一幕幕淚滿盈眶的場口，被大讚收放自如！Eason都公開大讚：「今次大家都做得好好，陳紫萱、吳肇軒、谷祖琳，甚至演繹來影相的兩位老人家，都演得好好，就我一個演得不夠好啦。」