【盧覓雪舌戰玻璃朱】玻璃朱指《ERROR自肥企画》對小孩產生負面影響！自爆被打壓「冇晒工作」

撰文：Lmc丨圖片：朱庭萱@Facebook、RTHK、ERROR@IG、MIRROR@IG丨編輯：海月

玻璃朱：在公開撐警後冇晒工作

兩人就「電視台製作節目時是否要有社會責任」、「藝人被劃分為黃藍」問題作出討論，期間玻璃朱自爆撐警後冇晒工作：「我所有KOL job冇晒！阿楊（楊明）呀或者其他出嚟撐警嗰啲冇晒job呀，因為搵我哋呢就會被人打壓、被人鬧，鬧啲廣告商，我哋真係冇嘢做」。

盧覓雪：咁點解藍營嗰啲人又唔去懲罰吓撐藍嗰啲人㗎？

被指工作受影響，盧覓雪就提到：「我覺得我要幫你鬧啲廣告商，好簡單啦，點解藍營嗰啲人又唔去『懲罰』吓撐藍嗰啲人㗎呢？」

玻璃朱指覺得藍的人比較鍾意低調和平

玻璃朱回應因為是性格問題：「我覺得藍營啲人比較鍾意低調和平，其實嗰班人只係想搵食㗎啫。」此時，主持人指：「買嘢都好和平吖……」玻璃朱就說班藍人就想個香港和和平平，繁榮穩定搵食。

盧覓雪認為MIRROR及ERROR是時機下應運而生

之後二人又提到MIRROR及ERROR，盧覓雪指他們是時機下應運而生：「我覺得時機到，佢哋呢班人就應運而生，因為佢哋年輕，可能（觀眾）會覺得欠咗一班年輕人一個公道。你都唔知姜濤係黃定藍。我覺得成件事就係佢哋係一個藝人，唔理呢啲嘢，淨係諗住做好個演唱會、做好佢哋嘅節目，點樣去令更多觀眾會鍾意佢哋嘅演出。」

玻璃朱指《ERROR自肥企画》會對小孩產生負面影響

另外，玻璃朱又指《ERROR自肥企画》內容涉及朋輩欺壓，對小孩產生負面影響。盧覓雪表示：「節目係Game show 嚟㗎嘛。」有網民認為TVB都有整蠱節目，如《大整蠱》，《超級掌門人》也有疑似欺壓環節，因此反問：「掌門人摑金剛又算唔算欺壓？」