盧覓雪舌戰玻璃朱出席《視點31》 杜汶澤：你有冇禮貌架？

撰文：八卦妹｜圖片來源：盧覓雪Facebook、港台Facebook

盧覓雪舌戰玻璃朱出席《視點31》

自數年前開始，港台節目《視點31》均受港人關注，全因節目向來勇於邀請如朱凱迪同何君堯、2019年時就邀請到杜汶澤、陳百祥（叻哥）、去年（2020年）黃秋生同何君堯等不同人士同坐一起，討論現時香港各方面的局勢；而港台直播節目《視點31》於明日下午3:30分，請來資深傳媒人盧覓雪及藝人朱庭萱，並以「娛樂為甚麼？」為題，在節目中大講香港兩大電視台近年來的綜藝、娛樂來作為討論點。

其實，盧覓雪早前曾在電台節目中力讚鏡粉後援會，朱庭萱則反駁狠批MIRROR「呢啲樣行落旺角大把啦，真係好大驚小怪囉。究竟咩叫靚仔有才華？內地歌手王一博、張藝興呢啲就係！成班井底之蛙。」而引起不少網友關注，當時二人就好像已隔空對話一番，今次二人同枱相信必定有一番唇槍舌戰。

短短3小時獲逾千網友力撐 留言：「麻煩替我們KO隻玻璃朱。 真的功德無量」

港台Facebook今日下午貼出宣傳預告外，就連盧覓雪自己也有在其社交網上宣布：「聽日廣播道一日遊！朝早返完商台晴朗，同大家嬉笑怒罵，跟住食個靚飯，下晝就去港台視點31，同大家講吓娛樂，娛樂下大家！#要由十點Hea到下晝三點半 #大家話聽日晏晝食咩好呢？

盧覓雪貼文一出，旋即引來網友力撐，並留言：「求其一個二打六三四線茄呢啡又話上節目，嘥哂雪雪啲時間」、「佢應該改名, 唔好叫玻璃朱,叫玻璃膠,呵呵」、「麻煩替我們KO隻玻璃朱。 真的功德無量」、「辛苦你要降低自己嘅智慧了」、「娛樂關隻玻璃膠咩事??」、「直播會唔會幫朱小姐開Filter？」

對於一眾網友力撐，盧覓雪接受媒體訪問時就笑言自已不是去打擂台或女子泥漿摔角，大家只是理性地討論，講出心中的看法，不是潑婦罵街，並指自己平時唔太識鬧交；盧覓雪還笑言如鬥玩P圖的話，自己就會輸，因為唔識。

杜汶澤：你有冇禮貌架？

直至晚上，盧覓雪的好友杜汶澤也有看到預告，還留言：「雪雪，既然人哋都P到飛起，你無奶油唔一齊P㗎？玩雙P吖嘛！你有冇禮貌架？唉，我嚟嘞！」並貼出已將雪雪P成「蛇精女」的照片，盧覓雪看到後回覆：「杜汶澤，你想笑死我咩？！」

朱庭萱Facebook發文指港台取消直播改做轉播首7分鐘

至於「玻璃朱」朱庭萱方面，在下午4時許就發出貼文，指自己收到港台消息，原先的直播將改為當晚8點轉播：「剛收到港台消息，取消Facebook直播，改由晚上8點電視轉播無刪剪版頭7分鐘。足版本過兩日放Facebook. 港台唔係覺得我會爆粗呀？」隨後她又表示 :「其實我都唔係好願意去，但主持多次邀請，同講明可以理性討論唔係駡戰。最重要係今次Topic希望可以幫這兩年受TVB網上欺凌嘅藝員同客戶討回公道。大家到時留言支持下！」

圖片來源：盧覓雪Facebook、港台Facebook、朱庭萱Facebook