偷食賤男

盤點娛圈5大偷食賤男

流行娛樂

廣告

現年33歲的鄭俊弘 (Fred) ,在大台默默耕耘多年,直至13年在《星夢傳奇》後終於人氣急升,更在現時熱播的劇集《與諜同謀》同視帝羅嘉良合作。Fred人紅之餘更有喜事傳出,日前被發現與合作無間的歌手何雁詩暗中撻着,男方更不時在女方大埔豪宅度春宵!

但今日有報道指,何雁詩原來做咗第三者都唔知,因為Fred其實有個拍拖三年幾的富家女友Beebs,更於15年求婚成功!Fred有個有米女友都唔知足,一腳踏兩船!隨時背上賤男罪名! 其實娛樂圈仲有唔少賤男,即刻同大家逐個數!
text-東方新地 edit-Cherie photo-東方新地, 鄭俊弘IG,何雁詩IG,李心潔IG,電視截圖

第一位 鄭俊弘—疑似賤男

鄭俊弘日前被爆有富貴未婚妻 偷食 何雁詩2個月。

 

拍節目撻着

何雁詩去年8月與日韓混血兒男友Wataru分手後,一直都未有新戀情,直至去年跟Fred一同出埠拍攝無綫節目《這個冬天不太冷》,朝夕相對下擦出愛火!打得火熱的兩人早前主唱劇集《我瞞結婚了》主題曲〈真心真意〉,拍MV時頻頻當着工作人員面前打情罵俏。另外Fred又不時去到女方位於大埔滌濤山的豪宅度春宵,更因為試過太嘈吵而被鄰居投訴!唔知玩咩玩到咁嘈呢?

返香閨斷正

正在橫店趕拍新劇《天命》的何雁詩,早前因為身體不適而辭演《誇世代》,不過日前佢就秘密返港,偷會愛郎阿Fred!當日阿Fred駕駛其銀色座駕接載女友返回大埔寓所,身體不適的何雁詩一直於車內吞雲吐霧吸食電子煙,之後兩人家中短聚四個多小時先離開。當記者上前問兩人係咪拍拖時,Fred完全唔出聲,而何雁詩則含情脈脈望着男方,再一臉甜笑話:「你哋覺得係咪係囉….唔係咪唔係囉。」

 

鄭俊弘 有個富貴未婚妻

阿Fred同何雁詩兩人都係上位中的大台藝人,形象健康,愈來愈多機會喺不同劇集亮相,似乎有機會成為另一對受觀眾認同的情侶藝人!不過今日有報道大爆,其實阿Fred有個已經收埋三年的富貴女友,佢更在15年向女友求婚成功!女方一家無論生活定感情上都對阿Fred照顧周到但男方就唔知足去偷食,搞到何雁詩做咗第三者!

深圳求婚成功

早於2014年7月一個船P上認識由外國讀完船回港的富家千金,Fred暱稱對方為Beebs,據知兩人好快就打得火熱,去到見晒家長的地步。一年後的2015年7月31日,兩人為慶祝拍拖一周年,包了七人車去到深圳瑞吉酒店,並book了一間兩層複式房間,不過book房同埋單都係由女友負責。去到凌晨12點,Fred就突然換上禮服手執戒指求婚,Beebs亦當場答應!

 

旅行女家俾錢

既然阿Fred同Beebs都打算結婚,女方家人都當正佢係女婿一樣,每次一齊家庭旅行唔係坐頭等就係商務客位,就算係旅行使費,對方都唔會問阿Fred攞番;而近年沒有工作的Beebs亦專心替未來老公打理家中大小事務,由飲食到愛犬都照顧得無微不至,似乎係個賢妻喎!

Uber出事

不過去到今年二月時,情況開始有變,阿Fred同何雁詩拍完〈真心真意〉MV後,突然對Beebs態度有變、忽冷忽熱。一晚阿Fred相約未婚妻到自己愉景灣屋企玩煮飯仔,本來話自己會9點返到,點知最後話要開會搞到凌晨四點先到家,女友一早已經瞓咗。翌日Beebs如常替阿Fred處理單據時,發現對方開咗個新Uber戶口,見到佢凌晨3點由大埔滌濤山去中環碼頭,付款人仲係一個「Stephanie Ho」開頭的戶口!

發火刪除訊息

據知Beebs即時大興問罪之師,不過阿Fred不斷強調同何雁詩只係朋友,而Beebs亦一時心軟原諒對方,之後更煲咗愛心湯去男友愉景灣寓所。點知Beebs當時就發現阿Fred冧滋滋咁同何雁詩講電話,於是要求Check電話,阿Fred見事敗就即時大發脾氣話唔俾,仲delete晒自己同何雁詩的Whatsapp紀錄,不過同何雁詩的大量通話紀錄就仍然喺度。吵完大鑊後,據知阿Fred最後承認係鍾意咗何雁詩,而Beebs亦終於睇清未婚夫的真面目!阿Fred捱咗咁耐先上位,事業剛剛叫有起色,依家就爆出一腳踏兩船負面新聞,睇怕都幾難收科……

 

你走的那個晚上 The night you left!!
Fred Cheng 鄭俊弘(@fredcheng83)分享的貼文 於 張貼

鄭俊弘係tvb親生仔,密密拍劇兼唱主題,唔知今次乖乖仔形象收到影響tvb會唔會放佢入雪櫃雪一雪呢?咁大家的耳朵終於可以抖抖唔使再聽到佢唱千篇一律的主題曲。 不過一向拍拖大過天的何雁詩就懵然不知自己做咗第三者,仲不時在IG晒同阿Fred的合照,呢句#真心真意暗示二人關係密切!

#真心真意 @the_voice_ent @honganc Fred Cheng 鄭俊弘(@fredcheng83)分享的貼文 於 張貼

Always a good time with this one!! @honganc

Fred Cheng 鄭俊弘(@fredcheng83)分享的貼文 於 張貼

Stephanie Ho(@honganc)分享的貼文 於 張貼

每一個會笑的面孔都是美好的💗最真摯的笑容都是美麗的💗happy Valentine’s Day!

Stephanie Ho(@honganc)分享的貼文 於 張貼

何雁詩情人節都有上載與fred的合照,不過而家突然爆出鄭俊弘有未婚妻,報道傳出後Stephanie 即時上載自拍照兼表示清者自清

Time to write some music and be strong. #清者自清 #行得正企得正

Stephanie Ho(@honganc)分享的貼文 於 張貼

第二位 李潤庭 —背妻偷食

李潤庭早前背妻 偷食 搞到離婚兼停工 ,做咗雙失中佬4個月終於有得復工。

無綫《東張西望》主持 李潤庭 (Eric)早前被爆偷食人妻空姐,隨即引起公憤。事後更揚言「太太一早已經知」,口出狂言。因此除了被封為賤男外,更被網民洗版式唾罵。 李潤庭召開記者會交代事件。記者會中, 李潤庭 直指今次是自己一個人的錯,並多次向家人及太太致歉,指太太此刻的決定是離婚。

偷食人妻空姐

當時李潤庭被爆趁任職空姐的太太Crystal出國工作時,不止一次與小三當街激吻摸Pat Pat,更公然一齊搭港鐵返屋企。李潤庭明目張膽帶小三登堂入室。新聞爆出後,小三極速被起底。小三Tiffany竟然是老婆同公司的前空姐同事,事後李生不但沒有認錯,竟口出狂言指太太事前一早知,再度辣㷫全港市民。

即召開記者會

李潤庭返電視城被照肺,隨即召開記者會交代事件向家人、太太及受影響的人道歉。他說這件事完完全全係佢一個人嘅錯,所以覺得自己應該行出嚟一力承擔。

離婚分房瞓

事情發生後,佢話老婆對佢只有「失望同傷心」。被問到會唔會離婚,佢就話自己完全沒有選擇權,因為自己錯晒,要讓老婆話事。而自己喺呢一刻絕對尊重老婆決定,話佢可以選擇離婚或者繼續在一齊。而在記者追問嘅情況下,佢先答老婆呢一刻嘅決定係離婚,而兩人雖然仲一齊住,但就冇講嘢,而且係分房瞓。

 

激嬲父母

最後李生再次向外父外母同雙方家人道歉,因為令咁多人面對呢個咁尷尬情況,佢都唔想發生。問到自己父母有冇責怪自己,佢就話未聯絡父母,父母亦都冇搵佢,直言應該係嬲咗自己。有記者再次追問有關小三Tiffany嘅事,問佢識唔識何生(即Tiffany老公),佢就即時起身拆咪離開記者會。

 

第三位 周永恒—極品人渣

自認係人渣嘅世紀賤男周永恒(Roy)與趙頌茹(Yu)結婚不過4年,育有2個女兒,但去年突爆婚外情,事緣阿Yu揭發人渣偷食,小三正是Roy模特兒公司拍檔、港視小花劉依靜(Ruby),同時人渣Roy家暴阿Yu,期後人渣Roy話想同阿Yu復合,但轉個頭又反口話要離婚同爭撫養權;更登阿Yu娘家家門,吐口水用粗口辱罵外父外母,並以WhatsApp恐嚇殺死妻女及自殺,涉嫌刑事恐嚇被拘捕,最後法庭裁定普通襲擊罪成,大快人心!近日周永恒又晒新女,真係睇下好得幾耐。

周永恆近日又因為女兒贍養費問題同前妻趙頌茹發生爭執,真係死性不改。

 

第四位 陳浩民-淫狼代表

2011年被《東方新地》爆於橫店拍劇時藉醉狼吻陳嘉桓,又對佢上下其手,搞到要攜即將臨盆嘅太太蔣麗莎開記招,聲淚俱下向陳嘉桓道歉!在眾目睽睽之下,陳浩民硬拖着大肚妻子蔣麗莎上演大龍鳳不特止,短短7分鐘記者會中,浩民一哭二鬧三鞠躬四道歉,臨走時還作狀發軟蹄,要大肚妻攙扶,結果扮死狗失敗,更被網民罵個體無完膚!

 

事過境遷,蔣麗莎好好生養,為陳浩民先後誕下三女一子,希望陳浩民真心悔改做個好老公好爸爸!

第五位 彭順— 賤男導演

去年5月,彭順背住李心潔於圓方同26歲o靚模李悅彤(Liddy)密會,期間兩人肆無忌憚當眾拖手、啜嘴、搣胸、搭膊、攬腰乜都做齊,偷食斷正,彭順被網民鬧爆兼狂插係賤男。醜事曝光後,彭順即飛往馬來西亞箍煲,有傳心潔得悉事件後傷心痛哭,最後彭順與心潔就事件一起作出回應,而心潔最終選擇原諒老公,心潔咁大量,實在難得!

不過之後彭順都好似修心養性,李心潔更為老公誕下一對孖仔,二人不時在網上大晒cute 爆仔仔

YOU MAY ALSO LIKE ...