反擊「瑜伽褲行山不恰當」說法 KOL示範呃like流量密碼（有片）
瑜伽褲行山現晒形
瑜伽褲屢引起爭議，有網民斥女生著瑜伽褲行山不恰當「唔明點解啲人著瑜伽褲去行山」惹來網上熱討，更數出正確的行山裝束，應該是上衣鬆身、褲不能貼身以及有防UV作用，著長褲長袖衫最標準可防蟲防曬防刮傷。「著唔係問題，下下現晒形、倒晒出黎咁就唔係人人都想睇」、「應該有更加適合行山嘅裝束」、「瑜伽褲太過貼身其實行山真係唔係咁好」。
KOL肥肥人白色bra top瑜伽褲行山
Vivian肥肥人力數3點力撐著瑜伽褲行山無問題，十分恰當，近日她在DJ艾力的網上頻道訪問中，以白色bar top及瑜伽褲行山拍片，為瑜伽褲行山被批鬥作出大平反，肥肥人指出行山著得少衫，因為天氣熱，「最主要因為好熱，所以行山會著得少布啲」，她續說：「第二就係因為要打卡影相，所以咪著靚少少打卡。」
反擊：你哋用有色眼鏡睇啫！
佢又話：「但就算係性感，係睇下大家嘅標準囉，大家覺得我今日性唔性感（說時把鏡頭對準自己胸部）。」主持艾力表示：「你咁高抄梗係性感啦！」肥肥人即謂：「所以係睇拍攝嘅角度，同埋款式，今日我呢個bra top好正常，都包到咁上！」艾力和應：「我都覺得你今日咁著好正常，唔通行山著潛水衣咩？」肥肥人即表示：「所以咪睇你用咩目光，如果你係用一個有色嘅眼鏡去睇，所有嘢都係有顏色！」艾力指：「係你睇嘅目光色色，唔係個人著得色色！」肥肥人又指唔會著bra去行山，「咁又太誇張，呢啲唔係我朋友，有啲人著運動bra top但前面係挷繩嗰啲，有啲似情趣內衣，嗰啲都唔OK。」
與網民掀罵戰
肥肥人此片一出，有網民抨擊她「自暴其短，條腰成舊肥肉凸咗出嚟，點解著成咁？搏乜？身材又唔係好，上下身都咁貼，真係唔明?去行山嘅衣著唔係應該舒舒服服，著番啲適合嘅衫褲嘅咩？佢知唔知乜嘢叫做獻醜不如藏拙呀？」主持艾力為肥肥人護航：「其實自己著得舒服自在又唔影響到人，又有咩問題呢？」該網民不忿再留言：「就係因為佢咁著睇到我好唔舒服！我同啲同事行咗咁多次山都未見過有人咁著架！咁點解佢唔著3點色泳衣去行山啫？做乜嘢運動就要著番適當嘅衫褲，呢樣嘢係common sense 係架！」更叫艾力唔好再回覆佢因為艾力唔中肯，艾力禮貌回覆：「你唔舒服人哋就唔可以咁著，咁呢個世界就要為你而轉㗎啦喎！」
