玩住學學住玩｜符曉薇陪女玩懸崖鞦韆嚇破膽！陳柏宇越洋阻止失敗場面失控！
廣告
昨晚（2日）陳柏宇太太符曉薇（Leanne）帶女兒Abi到尼泊爾挑戰極限，竟遇上懸崖鞦韆！有畏高症的Leanne嚇到花容失色，女兒卻堅持要玩，Leanne更越洋致電老公陳柏宇求救，惜阻止失敗。最終Leanne被逼上陣，場面極度驚險，她能否成功克服恐懼？
符曉薇直擊懸崖鞦韆嚇破膽 「我唔夠膽呀」
今集Leanne為填補行程空缺，原打算帶女兒Abi到山頂玩鞦韆，享受寫意時光。豈料抵達後才發現事與願違，Leanne驚見鞦韆竟設在懸崖邊，與她想像中完全不一樣，嚇得她立即卻步：「諗住畀佢 swing 下，點知一過到嚟，見到副鞦韆喺懸崖邊，同我幻想完全唔一樣，佢而家死𠼱要玩，我唔夠膽呀。好驚呀，我有畏高㗎。」面對女兒的堅持，有畏高症的Leanne陷入兩難，場面一度僵持。
陳柏宇越洋視像急阻止 「危險呀！」
在女兒Abi的強烈要求下，手足無措的Leanne唯有使出最後一招，越洋視像致電遠在香港的老公陳柏宇求救。起初Abi還信心滿滿地表示：「爸爸梗畀我玩㗎」，以為爸爸會站在自己一方。沒想到陳柏宇看到現場環境後，也認為太過危險，透過視像果斷回覆：「唔好喇，危險呀！」他解釋因為無法親身衡量鞦韆的安全程度，所以不建議女兒冒險。可惜，連老公的出面阻止也未能勸退女兒。
囡囡Abi一哭二鬧得逞 符曉薇尖叫陪玩再戰玻璃橋
願望落空的Abi隨即發揮港女本色，使出「一哭二鬧」神功，最終成功爭取到由畏高的母親陪同下一齊玩。可憐的Leanne被逼坐上懸崖鞦韆，全程嚇得緊閉雙眼，尖叫聲響徹山谷。挑戰完鞦韆，Abi意猶未盡，再要求媽咪陪她挑戰橫跨千呎深谷的玻璃橋。Leanne再度挑戰極限，首次嘗試時行不到一步便驚慌回頭，再度上橋時更全程不敢向下望，最終仍不敵內心恐懼，頭暈腳軟下直接癱坐在橋面上。相反，大膽的Abi則玩得不亦樂乎，在橋上興奮地跑來跑去。
網民激讚母愛偉大 「睇到都腳軟」
節目播出後，網民對Leanne的偉大母愛表示佩服，但亦對驚險畫面感到震驚。不少網民留言指：「Leanne好偉大，為個女真係豁出去！」、「個鞦韆喺懸崖邊，睇到相都腳軟，唔敢想像點玩！」、「Abi膽生毛，Leanne就嚇到面青，個反差好好笑！」、「完全明白Leanne，有畏高嘅人真係一步都行唔到，癱喺度好正常！」、「陳柏宇想救都救唔到，笑死！」。
