王鎮泉傷心流淚忍痛開工 譚詠麟鐵粉肥萍因病逝世|頭號粉絲

流行娛樂

廣告

王鎮泉(泉泉/Jeoffrey)為無綫娛樂主播,近年獲得樂壇校長譚詠麟阿倫)的鐵粉「肥萍」林楚萍「鼎力支持」,而肥萍亦一手包辦王鎮泉人生中首個燈牌,就在昨日(8/3),王鎮泉得知肥萍離世噩耗。王鎮泉因要工作,而在接受媒體訪問時,就已忍不住傷心流下男兒淚。

撰文:八卦妹|圖片來源:TVB 娛樂新聞台 TVB Entertainment News王鎮泉IG譚詠麟微博容祖兒IG

王鎮泉得知肥萍因病逝世傷心流淚忍痛開工

其實每個藝人歌手身邊都總有一、兩個如影相隨的鐵粉,而當中最為人熟悉莫過於樂壇校長譚詠麟(阿倫)的鐵粉「肥萍」、容祖兒的鐵粉「瓜子」等;每次出席活動時,都必定會見到這些鐵粉到場,正正因為貼身追隨偶像,而令唱片公司、電台、電視台工作人員、娛樂記者都必定與他們有所熟悉。

王鎮泉
樂壇校長譚詠麟(阿倫)

 

 

 

而說到校長譚詠麟(阿倫)的鐵粉「肥萍」,當年更是如影隨形,無論是各大小活動,有譚詠麟就必定會見到「肥萍」的身影,之不過近年來,校長已較為少出席活動,而「肥萍」亦有轉投其他歌手及藝人的活動,特別是非常支持TVB娛樂新聞台主播王鎮泉(泉泉/Jeoffrey),不但親身到場支持,還一手包辦王鎮泉人生中首個燈牌。

王鎮泉
肥萍早在支持王鎮泉前,亦曾出席活動支持鄭俊弘
王鎮泉
肥萍一手包辦王鎮泉人生中首個燈牌

王鎮泉(泉泉/Jeoffrey)在昨日(8/3)到黃大仙採訪《同心抗疫捐口罩音樂會》期間,得知「肥萍」離世噩耗,在接受媒體訪問時,王鎮泉就表示:「與「肥萍」認識3年,好感激佢一直咁支持自己,有時我啲閉門活動冇通知佢,佢都會唔開心,要解釋番畀佢知,本來我答應咗等佢出院,同佢飲茶。開工前佢有朋友搵過我,我哋透過視像見面,雖然佢冇回應,但知佢有朋友同屋企人陪喺身邊,點知相隔十數分鐘就收到壞消息,希望佢安息。」王鎮泉又提到今年年初生日時,曾收到對方的生日快樂,並會嘗試聯絡她的家人,在能力範圍之內盡量幫手。

王鎮泉
王鎮泉同肥萍所整的燈牌相片

 

王鎮泉
王鎮泉得知「肥萍」離世噩耗,在接受媒體訪問時傷心落淚

至於肥萍追隨近30年的校長譚詠麟,就透過助手回覆媒體,指已得知阿萍死訊,並指阿萍留院留醫時就已知道,有與對方家人聯絡,但詳細情況,校長就話不回應了!

王鎮泉
肥萍追隨校長譚詠麟近30年
王鎮泉
譚詠麟透過助手回覆媒體,指已得知阿萍死訊,並指阿萍留院留醫時就已知道,有與對方家人聯絡,但詳細情況就不回應了

此外,TVB方面就在「TVB 娛樂新聞台 TVB Entertainment News」的Facebook 專頁中,就上載了王鎮泉與「肥萍」的合照,並留言報導:「知名Fans肥萍因病逝世,以追隨譚詠麟而為人熟悉嘅資深Fans肥萍今日因病離世。肥萍早年因為貼身追隨校長譚詠麟,連唱片公司、電台、電視台工作人員、娛樂記者都同佢熟悉,近年佢亦都非常支持TVB娛樂新聞台主播王鎮泉,多次親身到活動現場之餘,又為Jeoffrey製作燈牌。今日下晝傳出肥萍病危,與肥萍成為朋友嘅王鎮泉即刻同對方視像通話作最後道別,事後亦悲從中來,只能接受佢離去嘅消息。王鎮泉對上一次同肥萍見面已經係1月底自己嘅生日,之後就冇咗對方消息,到近日再收到肥萍親友通知病況唔樂觀,日前即刻錄製短片為對方打氣,豈料今日傳嚟噩耗。」

 

王鎮泉
王鎮泉與肥萍合照