王浩信-致命復活-陳自瑤

有女萬事足 王浩信 樂做Family man

流行娛樂

廣告

在早前的劇集《致命復活》中飾演Max的 王浩信 ,不斷怪責自己間接令到Vincent被困山洞十年;現實中, 王浩信經歷過緋聞,浪子回頭,擁有一個美好的家庭,佢同老婆陳自瑤(YoYo)結婚5年,到今時今日, 王浩信 都仲話可以娶到YoYo係件好幸福嘅事!而囡囡靖喬今年4歲,活潑可愛!

Source- Sunday Kiss

原本是歌手的 王浩信 (Vincent),在2006年加入無綫,多番拼博後終於成為小生,背後的女人亦付出很多。今年2月,王浩信 (Vincent)拍攝《致命復活》期間,拍攝外景車戲遇到意外短暫記憶,YoYo非常緊張,幸好只是皮外傷,沒傷到腦部及骨,檢查後更立即和太太合照跟 大家報平安,更表示看到太太為自己受傷而擔心,他體會到家人的擔憂,更學懂為了家人去愛錫自己。「嗰刻我覺得要多顧及屋企人嘅感受,唔可以覺得型就去拍嗰 啲動作戲。」

除了《致命復活》外,早前Vincent在《EU超時任務》飾演的「渠頭」一角,網民大讚他和朱千雪這一對自然不造作,演技備受肯定,更將事業推至高峰。

工作以外,Vincent和太太相當甜蜜,去年更跟各方好友一起慶祝和太太結婚4周年。而且每年對方生日,都會一齊慶祝!

去年YoYo生日,Vincent更鬼馬地張貼2人的合照上微博,祝福道:「生日快樂,你又小一歲了!」

今年香港小姐決賽當日, 王浩信 向陳自瑤伸出愛的援手的一幕更是一時佳話!事緣當日YoYo身穿火紅色晚裝,加上極修身剪裁,好靚啊!不過條裙實在係太窄,加上佢着住對目測有六吋的高踭鞋,可謂步步驚心!

YoYo出嚟影相時要不斷俯身整理裙擺,離開時更面有難色,發出求救眼神。

幸好老公 王浩信 伸出愛的援手,扶實愛妻!呢一幕真係有英雄救美的感覺!

自從囡囡出世後,Vincent更變成Family man,把拍劇以外的時間留給家庭。他笑說囡囡好聰明,「依家啲小朋友真係好聰明,佢同我年代嘅小朋友好唔同,佢開始識氹我笑,成日照顧我,搭住我膊頭話:『今晚睇你啲戲啦!』又會成日同啲同學仔講:『今晚有我爸B啲戲啊!』幫我做宣傳,好得意啊!」

QQ 2歲生日時,Vincent更張貼了幾張父母照,寫道Happy birthday my love! 而上年Vincent生日,曾表示收到囡囡的自製生日卡最sweet!

問Vincent係咪惡爸時,Vincent就話自己唔係,「可能對住個仔我會,但對住個女唔得,惡唔到幾多,搞唔掂!」

Vincent同YoYo都鍾意打羽毛球,閒時會互相切磋,有時更會帶埋囡囡QQ一齊玩,佢哋嘅家庭活動真係好健康!

Vincent帶埋囡囡一齊打波,話睇下佢鍾唔鍾意啊!

Vincent話想追個仔,湊個好字,他笑說:「不過湊仔很辛苦,但老婆品種優良,我會好好把握。」佢仲話鍾意多啲人喺屋企,有一個小朋友就要有時間教育佢,陪伴佢,呢樣嘢同我工作有衝突,所以都要好好計劃。YoYo就希望小朋友之間年齡不要相隔太遠,不過生仔生女就要睇緣份啦。

 

內容延讀:
張孝全台灣男神系列 15年超帥造型回顧
>>> LIKE我們fb <<<
fb.com/newmonday.com.hk

YOU MAY ALSO LIKE ...