王力宏離婚官司神反轉 李靚蕾因為無證據被判決藐視法庭？
廣告
天王王力宏自2013年同李靚蕾於美國登記結婚，婚後二人育有3子，人前人後都係模範夫妻形象。未料去年底宣布離婚，隨後李靚蕾毀滅性爆料王力宏私生活混亂，令夫妻二人嘅離婚官司成為兩岸三地焦點。事隔數月，最新消息指出，有網友透露李靚蕾被法官判決藐視法庭，因為無法交出王力宏嘅出軌證據，但當晚李靚蕾就發出律師聲明否認。
網民爆料李靚蕾被判藐視法庭
本月7日內地傳媒指有內地網民爆料王力宏、李靚蕾係紐約嘅離婚官司有新進展。 李靚蕾因一直未提交任何有關王力宏出軌嘅證據，拒絕王力宏探視子女，被法官判決藐視法庭罪名成立，或會為此遭到罰款。 此外，法院批復咗王力宏方申請嘅強制執行探視權。其實兩人官司3月已經係紐約法院展開，並一路從美國打到返台灣，上月雙方全程以視訊方式，係台灣家事法庭進行第二次嘅調解，但係並沒有達成共識，下次調解時間預計係8月初。而王力宏嘅經紀人則表示，目前仍處於司法審理階段不便多做回應 。
李靚蕾即日發聲明否認，並指有人買網軍帶風向造謠
消息傳開後，「李靚蕾被判藐視法庭」隨即上咗熱搜，而當晚李靚蕾於微博上發律師聲明指出：「對於今日（7號）有心人士透過媒體及網軍大肆渲染李靚蕾小姐被法官判決藐視法庭，以及王力宏先生在紐約法院的聲請獲准等消息，均非屬實，特此澄清。事實是，紐約法院經過審理後以判決駁回王力宏先生提出之所有訴求，而李靚蕾小姐之請求均獲准」並指有心人透過網軍及媒體造謠，發放不實消息，損害李靚蕾個人利益。並呼籲馬上停止該行為，否則依法追究。但網民似乎並不賣帳，紛紛係李靚蕾微博留言要有圖有真相，並稱李靚蕾唔好淨係識作文，交出證據係先最好證明。
圖片來源：微博@新浪娛樂、微博@李靚蕾、微博@新浪大文娛
