新疆四美丨熱依扎再向網民挑機 晒薄紗裙相疑似激突
廣告
憑宮廷劇《甄嬛傳》飾演「寧嬪」而廣為人熟悉嘅大陸女演員熱依扎，因爲私下著衫風格大騷性感，火辣身材一覽無遺，不過就被網友狠批有「露胸癖」。日前佢係微博就po出身穿薄紗裙靚相，更疑似激突，當然又即刻成為網民討論話題。
薄紗裙挑機疑似激凸
貴為「新疆四美」之一、有「小張柏芝」之稱嘅熱依扎，2020年秘密誕女後身材完全無走樣，更係越keep越fit！最近佢po出仙氣十足薄紗裙嘅一系列靚相，有眼尖嘅網民就睇到其中一張相，熱依扎疑似激凸，令到一班網民「偵探」上身，誓要查出「真相」，不過睇真啲似係件衫的摺位！
曾被網民狠批有「露胸癖」
其實今次已經唔係熱依扎第一次被網友討論身材，早年佢係機場出國就被拍下一系列照片登上微博熱搜，身穿一件黃色超低胸背心配牛仔褲，擁34D上圍嘅佢呼之欲出嘅身材可以話係相當邪惡，完全直逼走光邊緣。不過當時有網民就狠批熱依扎根本係有「露胸癖」，熱依扎得知後嬲到告上法庭，十分嚴重！
曾自爆重度抑鬱症！記者暗示遭男友利用
睇番近年積極拍劇嘅熱依扎，過往嘅新聞幾乎同演技無關，早年佢曾自爆患有重度抑鬱症同焦慮症更表示「死過好多次」，她直言因爲咁所以先知道生存嘅意義，「所以我願意傳達給你們有趣的，人生太苦，在不傷害他人的前提下，在不犯法的前提下，活自己吧。生命，是一次奇遇。 」事後佢她透露自己走過了最難嘅地方，目前仍需吃藥控制，想透過自己的能力幫助同佢一樣需要幫助嘅人。消息傳出後，當時有記者爆料指圈中有自曝有抑鬱症嘅女演員，因爲被男友利用賣俾高層因而患病，雖然並未指名道姓，但有不少網民就認為被利用嘅女演員就係熱依扎。
2020年未婚生女！生父身分成謎
到2020年，熱依扎突然宣佈誕下女兒，但生父身分成謎，對感情事依舊三緘其口實行有女萬事足。
圖片來源：微博@熱依扎、微博@鮮娛君
