《熟女強人》何珮瑜笑言打破拍劇性感尺度 床戰爆肌楊天宇！
廣告
ViuTV全新劇集《熟女強人》以女性一生要面對的難題作題材，劇集透過七個女性去探討及穿梭一些大膽的話題，包括雪卵、爭撫養權、同性戀、換妻、爸爸去哪兒及脫單等等。日前劇中女主角之一的何珮瑜（Jeana）為劇集拍攝大膽床戲，而對手就係爆肌小鮮肉楊天宇！
撰文、圖片：東方新地丨原文刊於：東方新地丨編輯：白子
《熟女強人》何珮瑜床戰爆肌楊天宇
與楊天宇又攬又錫，床戰連場，Jeana笑指呢次打破自己拍劇尺度：「一定係啦！因為我都冇咩拍劇，做咩都會打破紀錄，我今日都著咗四層衫防走光，對手就要騷肌肉，咩都除晒！有一場我唔小心壓住佢大髀筋，痛到佢即刻慘叫。」
劇中其他女主角，都需要外景拍攝，唯獨Jeana大部分場口酒店完成：「可能監製錫我啦，又可能劇本需要，我好多場景都喺酒店完成，唔使日曬雨淋係好舒服嘅。」咁又真係幾爽喎！
