熊仔頭YouTube頻道一個肥豪救全家！唔再靠女？

熊仔頭YouTube頻道唔再靠女？一個肥豪救全家！

熊仔頭在10周年釋出的大作《乒乓》上，肥豪首度登場，至此他便加入了FHProduction的大家庭。而近日肥豪因為個人特色鮮明，亦在加入短短一段時間便已經擁有個人節目 –《再食就中風》，孖住「熊女郎」夢雨一齊去大食四方，其影片都獲得大量好評，而肥豪人氣亦一路急升。

熊仔頭力捧肥豪做歌手

近日一條影片是關於肥豪的「歌手之路」影片釋出，大獲好評，發現到原來肥豪仲係一個唱得之人。肥豪的一舉一動都充滿著喜感，令到唔少網民大讚肥豪係除了「熊女郎」之外另一個成功被捧起的旗下藝人。最後仲成功製作出《雙倍奉還》的真人真事悲慘情歌。

網民：「一個賣女嘅channel最後靠肥仔起死回生真係奇蹟。」

網民大讚肥豪將FHProdcution由邊緣再次救起，有網民指近日較為高Views的影片都是由肥豪主演，更指依家仲有廣告商出金錢贊助肥豪出歌，直言：「一個賣女嘅channel最後靠肥仔起死回生真係奇蹟。」。唔少網民都認同其說法，仲有網民直指：「肥豪嘅好笑係因為佢有自己嘅世界觀，某程度上就係一種逃避現實保護自己嘅方法，所以先可以有咁多令人爆笑嘅回答。」。

熊仔頭默認戴帽？

影片中肥豪更加係同熊仔頭大談感情事，肥豪就分享自己中學時期的做兵經歷。熊仔頭更說到：「戴綠帽好聽啊」，不料遭肥豪反擊：「你鍾意戴綠帽咩？」，問到熊仔頭口窒窒，被網民認為佢暗地裡自認當初被Santis搞到戴綠帽是真有此事。

即睇片！