熊仔頭嘉盈怒爆軟飯王男友動粗 奉獻身家幫課金

流行娛樂

廣告

YouTube頻道「熊仔頭」的KOL嘉盈(王嘉盈),無論身材、言論同行徑都好惹火,instagram坐擁23萬粉絲唔係講笑,嘉盈只有154cm,但正宗「廟細燈籠大」擁有33E逼爆巨乳身材,繼早前上「小薯茄」拍片訴說大波的煩惱順便大派福利後,日前嘉盈上電台節目做嘉賓,自爆未夠秤已經俾人呃!

嘉盈首登公子會

嘉盈33E身材夠晒惹火,早前一條YouTube Channel《小薯茄》po了條題為「【Double May】大波妹唔易做(非曬命)」片,觀看次數達225k,唔少網民定格在「環迴立體」大波畫面欣賞!今次嘉盈首次獲邀上商業電台903、由森美、火火和劉翁主持的《公子會》,大談身材和戀愛經歷。

嘉盈 嘉盈上公子會,和一班主持暢談甚歡。
嘉盈上公子會,和一班主持暢談甚歡。(圖片來源:公子會)

低胸上陣主持拒直視

嘉盈襯好晒以素色系上《公子會》,杏色口罩、外套搭超幼帶吊帶上衣,33E巨峰畢露,一向大癲大廢的她,動作誇張波fing fing,搞到主持人都盡量迴避唔敢直視其偉大雙峰。 當森美談到嘉盈的戀愛史,嘉盈自爆16歲時經歷初戀,初遇對象更加是渣中之霸!

嘉盈 嘉盈上公子會雖然衣著如常,但行徑明顯收歛,不時拉好外套和拉高吊帶上衣。
嘉盈上公子會雖然衣著如常,但行徑明顯收歛,不時拉好外套和拉高吊帶上衣。(圖片來源:公子會片段截圖)

戲院外被打到流血

森美問到她初戀經歷,嘉盈指自己16歲還在讀書階段就初戀,用零用錢去養男友,嘉盈都自嘲好好笑,她謂:「佢大我三年,佢19歲啱啱考完DSE,考完就有啲迷惘俾藉口自己去hea又冇嘢做,就不停打機,我呢就儲埋成個禮拜零用錢,通常我哋星期日去街,我本身同朋友打邊爐,佢打嚟叫我幫佢課金,我初戀沖昏頭惱想為男友做啲嘢,就將行街打邊爐嘅錢幫佢課金,幾百蚊,生日禮物仲指定要咩,我要儲錢㗎嘛!」嘉盈講起呢位舊愛滔滔不絕,繼續爆俾佢打:「講出嚟真係笑死你哋!我仲好記得喺九龍灣xx戲院,買完戲飛興高采烈買嘢食,平時都係去對面超市買壽司去花槽位度食,都已經夠慳喇!但佢竟然同我講你啱啱買飛冇俾學生證咩?你明知今日睇戲仲咩唔帶學生證?因為會冇得平二三十蚊,引發嘈交然後佢就批踭打到落我塊面度,我成個瞓低咗呀,嘴都流血!」此時主持人嘩聲四起狂笑,嘉盈更投訴發生事成條街都係人,但冇人幫手,更搞笑謂:「九龍灣嘅街坊,嗰日我嚟㗎!」

嘉盈 嘉盈示範如何被批踭。
嘉盈示範如何被批踭。(圖片來源:公子會片段截圖)
嘉盈 主持們表示男人出踭並唔容易,相信男方當時都好火滾。
主持們表示男人出踭並唔容易,相信男方當時都好火滾。(圖片來源:公子會片段截圖)

嘉盈先撩者賤?

森美聽罷分析事件,認為打人當然唔啱,但嘉盈當時態度都非常寸嘴,而嘉盈亦承認,森美笑言:「我哋最多都係兜巴星,去到開踭… 」嘉盈即補充:「佢開踭已經算對我好咗啦!我後來先知,佢試過推佢前度落樓梯㗎!」 仲連聲大叫「我執到啦!多謝你不殺之恩呀!」,主持人雖然都指嘉盈前度動粗唔啱,但他們異口同聲認為嘉盈有「撩鬼」之嫌,不停挑釁以至事件發生,更講笑指當時路人見證呢一幕,都可能覺得嘉盈有問題,報警分分鐘係拉嘉盈而非男友,因為嘉盈著住鬆糕鞋,疑似攻擊性武器。

嘉盈 嘉盈指只遇過一位動粗男。
嘉盈指只遇過一位動粗男。(圖片來源:kaaying219@ig)
嘉盈 而她亦坦承自己性格比較惹火,會好寸嘴。
而她亦坦承自己性格比較惹火,會好寸嘴。(圖片來源:kaaying219@ig)

嘉盈自評情緒化 專吸暴躁男

嘉盈強調對她動粗的前度只有一個,她覺得搞笑而已,而嘉盈亦坦言覺得物以類聚,她謂:「我覺得我情緒起伏大,我喊呀笑呀,都係好即時,所以我吸引嘅人可能都係情緒唔穩定嘅,會好蝕底。」劉翁就讚嘉盈,覺得呢類性格的人比較直率唔深藏,其實係好事。講到嘉盈會唔會自動波媾仔,火火指她「副偈」咁掂應該成功率超高,但她自言唔太敢,雖然女仔主動出擊負面結果會比較低,她曾試經過主動出擊,但撩傾偈相處後,對方似「碌木」,她就唔識再進一步溝通而作罷。

嘉盈 嘉盈以物以類聚嚟形容自己和初戀男友的關係。
嘉盈以物以類聚嚟形容自己和初戀男友的關係。(圖片來源:kaaying219@ig)

嘉盈Double May上身救亡

早前YouTube Channel《小薯茄》po了條題為「【Double May】大波妹唔易做(非曬命)」片,唔夠一日YT觀看次數達10萬,近7萬人派likes,呢條片主角係KOL嘉盈,24歲嘅佢一向好清楚自己核心價值所在,不時派福利,仲將自己嘅優勢大公開今次呢條「Double May」片,將一向被網民戲稱「兒童台」的《小薯茄》一嘢推到變「成人台」。

小薯茄 嘉盈 先嚟個close up表示「大波妹」真係好多規限又唔方便喎!
先嚟個close up表示「大波妹」真係好多規限又唔方便喎!(圖片來源:小薯茄影片截圖)

解構Double May

「個個都羨慕大波,唔通個個都想大波咩?」嘉盈呢條片要為Double May同自己平反,Double may取其國語諧音就係「大波妹」的意思,傳說有位台灣女生向心儀的男生示愛,男生回覆一句「Why Double May」,女生百思不得其解,後來才知道自己被拒絕了,「Why Double May」其實是國語「我愛大波妹」的諧音,男生拒絕女生之餘更暗指女生身材飛機場一族。嘉盈呢條片講解Double May的煩惱由她親身上陣示範,例如著衫選擇唔多,因為易走光、又好易身材激突唔靚、食嘢又會跌落條罅度咁。

瘋狂胸部大特寫

以為樓上係戲肉就大錯特錯喇!嘉盈之後示範大波妹孭「𠝹波袋」、追巴士同成對波擺上枱,實行環迴球體展,夠晒立體㗎!網民群起comments,指《小薯茄》突變「成人台」、「掌握到流量密碼」、「大波必撐」等等。

小薯茄 嘉盈 嘉盈好波網民都好清楚,所以今次條片重點仲落喺「一粒字粗口都無」,平日連環爆粗的嘉盈今次好內歛!
嘉盈好波網民都好清楚,所以今次條片重點仲落喺「一粒字粗口都無」,平日連環爆粗的嘉盈今次好內歛!(圖片來源:小薯茄@ig)
小薯茄 嘉盈 一向被網民戲稱為「兒童台」今次升呢「成人台」,明顯知道咩片會爆數!
一向被網民戲稱為「兒童台」今次升呢「成人台」,明顯知道咩片會爆數!(圖片來源:小薯茄)

FH熊仔頭新片疑似曝光真樣?

YouTube頻道FHProductionHK 的「熊仔頭」向來拍片出名都是帶頭套不露樣子。有網民發現FHProductionHK新上載的影片,疑似意外曝光「熊仔頭」樣子(附圖片)。

網民對「熊仔頭」疑似真樣有什麼看法?

不少網民看到疑似「熊仔頭」的樣子後,紛紛表示「個樣似…詳情請看

圖片來源:公子會截圖、kaaying219@ig、小薯茄影片截圖