炎明熹18歲生日派對超大排場 粉絲怒斥要將「貪婪公諸於世」!
炎明熹18歲生日會數次感動落淚
小天后炎明熹今年迎來18歲生日,一班粉絲隆重其事,特地在酒店宴會廳大搞派對預祝炎明熹生日。一班粉絲更在生日會中與炎明熹大合唱,為炎明熹獻上生日歌,面對眾粉絲的厚愛,炎明熹都忍不住在生日會上數次落淚爆喊:「我由一個唔知道自己做乜嘢嘅人,到開始追尋到自己嘅夢想,然後開始遇見到大家,我覺得呢個緣分係好難得。我唔知大家可以陪到我幾遠,我話如果大家有啲嘢要做,大家唔見面都冇所謂,但其實我係好想見到大家,唔想大家離開我!」
多位樂壇前輩送祝福
生日會上亦播放了多位藝人為炎明熹事前拍攝的生日祝福片段,包括與炎明熹一起參加過內地節目《聲生不息》的前輩葉蒨文、林子祥、楊千嬅、李克勤和「聲夢」的一班好友姚焯菲、詹天文、鍾柔美及張馳豪等人,可見炎明熹平時人緣極好!
母親妹妹回港齊慶祝 自爆成年後最想做「呢樣嘢」
為了陪伴炎明熹共度重要的18歲生日,長居內地的炎明熹母親和妹妹都特地回港為炎明熹慶祝。生日會結束後,炎明熹帶妹妹一同接受《東張西望》的訪問。炎明熹妹妹更窩心地向姐姐以普通話送上祝福:「姐姐,生日快樂!」當被問到成年後最想做什麼時,炎明熹笑指:「我諗大家都應該知道!」隨即一班粉絲變馬上幫口回答:「換身份證!」場面非常搞笑。
炎明熹18歲生日感動爆喊片段:
Gigi炎明熹18歲生日會感動多次爆喊!
疑粉絲facebook爆粗大鬧食x唔𦧲骨!
疑有粉絲就po出自己去Gigi生日會的照片,包括餐單以及餸菜,內容就大鬧指自己俾咗4百幾5百元,但只係得3樣熱食,每樣仲只限一粒,形容真係「食x唔𦧲骨」!仲爆晒粗,話佛都有火,指生日會閒閒地都執成75萬,極不滿食物質素,強調唔夠飽!
Gigi粉絲反擊咁近距離見到偶像已經好好!
唔少疑似gigi的粉絲就留言反擊呢位網民,指咁近距離同偶像過生日已經好好,又話而家去食放題咩,要有iphone抽先叫回本?仲認為呢位網民應該係偷相抹黑唔係真gigi粉絲「真係粉絲可以同自己偶像慶祝佢重要的18歲生日係好榮幸同好開心,你呢啲擺明搞事,去酒店食幾百蚊見埋偶像,仲想點?」「為咗食先去報名?」「仲有每人一件生日t恤禮品包抽獎」「唔似真fans」「無嘢食都抵啦」「酒店除咗食自助餐都預咗唔飽」「抽埋iphone好無?」