馬國明香閨甜蜜過夜 極速融入湯洛雯朋友圏|頭號粉絲

流行娛樂

廣告

馬國明湯洛雯自對外公開拍拖後,二人就不時放閃,而近日更有媒體影到馬國明駕車到湯洛雯紅磡家,手上還有一個大容量旅行袋,看來不只是短聚,難道馬國明準備同湯洛雯來個甜蜜同居!

撰文、圖片:東方新地|編輯:八卦妹(原文刊於:東方新地

馬國明帶大容量旅行袋 去湯洛雯香閨留宿

既然認定公開認愛,下一步梗係盡情享受熱戀期,光明正大肆無忌憚見多幾面啦!話口未完,呢日就見到馬明車住靚湯返女方紅磡香閨,唔使講,梗係出邊拍夠拖,再返屋企短聚一陣 sweet sweet 先!撻著四個月、公開一個月,都已經足夠馬明摸熟靚湯地頭,驅車直駛殺入停車場,連管理員都見慣晒問都唔會問多句。到埗後靚湯先行落車笑笑口等候,馬明就兜個圈去後座攞齊嘢先……嘩,踩上香閨要帶個大容量旅行袋,目測應該唔止短聚,行裝起碼夠住多幾日喎!

「 明火靚湯 」呢一對戀情閃電曝光繼而公開認愛,就可以名正言順咁拍拖啦!
「 明火靚湯 」呢一對戀情閃電曝光繼而公開認愛,就可以名正言順咁拍拖啦!
開完工又拍完拖,馬明揸住座駕車埋靚湯一路直駛入女方紅磡香閨地下停車場,非常熟地頭,連看更都當正佢係住客看待。
開完工又拍完拖,馬明揸住座駕車埋靚湯一路直駛入女方紅磡香閨地下停車場,非常熟地頭,連看更都當正佢係住客看待。
靚湯先行落車,好有默契咁企埋一邊,等馬明泊好架車,再兜個圈去後座攞齊嘢。
靚湯先行落車,好有默契咁企埋一邊,等馬明泊好架車,再兜個圈去後座攞齊嘢。

「宅男」融入女友生活圈子勁social

其實馬明自與靚湯拍拖後,有巨大轉變,除咗近日 IG 頭像同時換埋「 定情公仔 」獨角獸同小馬頭像外,馬明更愛到融入女友嘅朋友及生活圈子㖭!一向「 宅 」到爆唔多鍾意應酬嘅馬明,竟然同女友拍拖出席朋友飯局,日前罕有出席樂易玲生日 party 後,同日又孖咇同楊茹庭 ( 前名:楊如芯 ) 飯敍,突然變得活躍社交圈子,叫得郁佢嘅當然只有女友靚湯先做得到,馬明果然就晒女友聽教聽話!

湯洛雯甜蜜掌控馬國明 「宅男」融入女友生活圈子勁social

往年樂小姐生日都唔見馬明蹤影,今年竟同靚湯拍拖出席,真係世界變。
往年樂小姐生日都唔見馬明蹤影,今年竟同靚湯拍拖出席,真係世界變。
同日晚上再拍拖同楊茹庭等人飯局,生活突然變得多姿多采!
同日晚上再拍拖同楊茹庭等人飯局,生活突然變得多姿多采!
二人近日齊齊換上情侶IG頭像,換咗「定情公仔」獨角獸同小馬仔,sweet到痹!
二人近日齊齊換上情侶IG頭像,換咗「定情公仔」獨角獸同小馬仔,sweet到痹!