湯洛雯31歲生日 馬爾代夫輕晒事業線

流行娛樂

廣告

兩個月前,湯洛雯(靚湯)同拍拖4年嘅羅天宇突然閃分,唔少人都擔心靚湯好傷心!不過單身的靚湯不愁寂寞,5月6日是其31歲生日,踏入生日月,先後跟一眾圈中好友慶生,仲豪花十多萬請家人去馬爾代夫旅行,享受陽光與海灘,真係好充實喎!

撰文:東方新地 | 圖片:湯洛雯IG湯樂瑤IG|乖乖隆地洞@central(原文刊於東方新地

湯洛雯31歲生日

湯洛雯人緣好好,洪永城、莊思敏、岑杏賢、高海寧、莊思明、謝東閔、翟威廉、一眾《學是學非》的「是非精」黃心穎、麥美恩及張秀文,當中黃心穎更與馬國明拍拖出席生日會,非常熱鬧。

壽星女靚湯與眾人分別合照之餘,又跟黃心穎、麥美恩及張秀文大玩《學是學非》手勢。

馬爾代夫 輕晒事業線

湯洛雯之前出席大台《五月星辰》活動時,就話會花十萬數請父母同妹妹去馬爾代夫旅行兼慶祝,佢就話雖然有啲肉赤,但完成媽咪嘅心願都好值得,認真係好乖女呢!而連日嚟靚湯同妹妹都有喺IG晒出唔少靚相同多段短片,靚湯晒咗一段浸喺泳池中嘅短片,見佢以一身黑色泳裝上陣,雖然畀泳池邊遮咗大半個身,不過依然見到佢輕晒事業線,認真煞食!

靚湯嘅細妹湯樂瑤(Cassandre)亦都晒多段即時短片,見佢以一身綠色嘅tube dress上陣,大晒鎖骨線條,雖然都算性感,不過畀起家姐嘅泳裝照就似乎輸蝕咗啲啦!

Cassandre之後又大曬火辣身材,自拍三點式泳裝。

💦💦💦

A post shared by Cass 湯樂瑤 (@cassandretong) on

湯洛雯生日閨蜜提早慶生

靚湯正日生日前一星期,好姊妹朱千雪、岑杏賢、蔣家旻同張嘉兒已為她預祝生日,合照中見到兩個生日蛋糕,靚湯留言:「雖然未踏入生日月,但已經收到第一個生日蛋糕啦!話時話點解係自己屋企,都可以完全唔知你哋買咗兩個蛋糕,仲要擺埋入雪櫃,係我蠢定係你哋太醒呢?不過真係覺得好sweet,im so blessed to have u girls@jenniferjshum @tracytschu @misskayicheung @chiangel1110」。

之後岑杏賢同蔣家旻都係ig貼圖,岑杏賢就留言話:「Yay!哈哈 最驚喜係壽星女甚麼都不知道,太好了, Happy Surprise Early Birthday to you LengTong Mwahhhh」,而湯洛雯見到亦留言話:「睇嚟你已經當咗我屋企係你屋企」,岑杏賢見到亦回覆話:「哈哈」,見到佢哋一班閨密嘅互動,真係好Sweet呀!

湯洛雯回歸單身

湯洛雯(靚湯)首次演出的劇集為《愛・回家》,當中她所飾演得思思一角,清純鄰家女孩形象令人印象深刻,深受觀眾歡迎。而靚湯亦因為與劇中飾演馬子仁的羅天宇傳出緋聞。二人早期雖無正式承認,並一直聲稱「了解中」,但在大家心理早已認定他們是一對的!

湯洛雯與羅天宇在劇集《愛・回家》結緣。

在靚湯與羅天宇「了解彼此」的過程中,多次被傳媒拍到他們睇戲約會。雖羅天宇有個外號叫「女神殺手」,但靚湯看來沒有介意,更力撐羅天宇「好仔」!

生日公開戀情

去年10月1日羅天宇30歲生日,男人三十而立當然要好好慶祝!二人邀請多位圈中好友如陳瀅、劉佩玥及何廣沛等在其紅磡寓所開Party。其中靚湯以女主人身分站在壽星仔身旁影相,連靚湯妹妹Cassandre亦有現身,可見兩家人關係融洽。

而重點是在慶祝到興起之際,靚湯為捧著蛋糕的羅天宇送上深情一吻,冧爆一幕被拍下在網上流傳。二人自此終於承認正在發展中。當時一眾男粉絲們可謂心碎極了!

湯洛雯與羅天宇見光死,早前在社交平台向粉絲交代,湯洛雯回復單身,網民紛紛表示想「飲靚湯」。

https://instagram.com/p/BgF61mGFyC0/?utm_source=ig_embed