游學修上肥仔節目剖白NFT掠水傳聞洗白味濃？

Q: 試當真NFT事件?

網民狠批《試當真》忘卻初心，大不如前，首先早前 《試當真》忽然宣布推出NFT產品 ，引起 大量網民負評 ，之後游學修就上 「混血肥仔」的節目回應時件 。

Sep 3 2022

游學修創辦的網台《試當真》在今年4月15日宣布推出自家NFT，名為 NTR，總發行量6,000 張，定價為0.2eth(推出時折算約 4,800HKD），當時被大量網民負評，其中唔少負評聲音是來自其頻道的會員，鬧爆他們「掠水」、「搵老襯」等等，相隔五個月，游學修應邀上「混血肥仔」的節目，剖白「有冇後悔搞NFT ? 」此片一出評語好壞參半，有人力撐他「行得前」有人繼續負評指他有心「洗白」。

一開波肥仔串游學修「飲醉」

片題為「有冇後悔搞NFT ? 」上架一日views數39K，一開波肥仔講番和游學修的相識經過，原來是經老師黃修平介紹拍《哪一天我們會飛》，肥仔讚修仔好有潛力，尤其近年在「四台聯播」前開始有交流，肥仔指在telegram群組有唔少人問他與游學修是否關係差，肥仔澄清：「喺我世界入面好似一直都冇好憎佢。當然佢咁出位，有啲嘢我係有諗法嘅。咁我係咪真係嬲佢呢？今日表面上係我訪問佢，實際上係測試我自己，點睇呢個人，(或者唔係你憎佢係佢憎你呢)咁都有可能，咁睇吓佢係咪真我囉，睇吓我有冇機會俾佢打囉，一大早佢應該唔會咁快醉嘅！」暗寸早前曾在「試當真謝票場」直播期間，飲大咗的游學修情緒失控爆喊兼爆粗。

游學修訪問前，肥仔在探討與游學修的關係一向予人不和的感覺，他笑謂「咁早佢應該冇咁快醉」。 — 訪問前，肥仔在探討與游學修的關係一向予人不和的感覺，他笑謂「咁早佢應該冇咁快醉」。（圖片來源：混血肥仔截圖）

游學修片中參觀游學修試當真的office，大廳有個大酒櫃，肥仔謂：「本來想買酒俾你，不過見你都咁多唔使買啦。」 — 片中參觀游學修試當真的office，大廳有個大酒櫃，肥仔謂：「本來想買酒俾你，不過見你都咁多唔使買啦。」（圖片來源：混血肥仔截圖）

游學修試當真早前推出NFT，被網民質疑游學修等人為了搵錢而變質，當晚游學修在只限會員觀看的謝票場直播中飲醉酒激動爆粗：「香港依家呢個地方就係，你有計算呢你就係X街X家剷，有計算都可以係好人㗎嘛，不過佢哋唔L理。」 — 試當真早前推出NFT，被網民質疑游學修等人為了搵錢而變質，當晚游學修在只限會員觀看的謝票場直播中飲醉酒激動爆粗：「香港依家呢個地方就係，你有計算呢你就係X街X家剷，有計算都可以係好人㗎嘛，不過佢哋唔L理。」（圖片來源：試當真截圖）

肥仔首遇游學修合作唔成

肥仔早上到游學修的工作室，肥仔直指覺得他氣場削咗，回憶當日首次見面的感覺，肥仔：「覺得你好有氣場，但散發住一種懷才不遇呀。」游學修不停在旁補充「串嘛」、「咪串囉」，肥仔當時想搵游學修合作拍片，但怕同同事夾唔嚟會吵大鑊作罷，結果游學修亦萌起自己拍片搞節目的諗法。

游學修談到二人第一次見面感覺性格唔啱合作唔成，第二次見面是傾「四台聯播」，當時游學修提出的建議冇人敢出聲，除咗肥仔！ — 談到二人第一次見面感覺性格唔啱合作唔成，第二次見面是傾「四台聯播」，當時游學修提出的建議冇人敢出聲，除咗肥仔！（圖片來源：混血肥仔截圖）

被連登仔屈嬲到揼梳化

兩人憶述當時開關於「四台聯播」的會議，游學修提議「每個channel拍四條(片)，一個月打爆佢，成個月四台。」肥仔笑謂看著對面有兩人唔敢出聲，他心諗「嘩你哋唔係唔出聲呀嘛」，環顧四周冇人敢講，結果肥仔衝出嚟話「喂我哋做唔到」，熊仔頭接住話「我唔敢出聲呀」，結論游學修表示跟大隊諗法，肥仔就估唔到他會聽人意見。游學修坦言認為別人對他的想法「一係驚，一係憎」，而他承認自己經常睇連登討論區，因為該站是「脈搏」所在和留意討論風氣，兩人談到網民的惡評，游學修笑謂「人身攻擊好小事」，唯一介意係被屈，有次被批評串熊仔頭與公司的artiste拍拖，然後自己又嗒了同公司的Jessica，他解釋：「佢哋攞咗我之前拍落Mocku的圖去笑熊仔頭，Channel需要女係兩年前嘅11月、12月拍，梗係唔係笑緊佢啦！但喺討論區佢哋討論時，係冇人會講個事實出嚟，屈嘅時候真係…」然後揼晒梳化表示好怒氣！

游學修游學修承認自己經常睇連登討論區，網民對他的人身攻擊已完全免疫，但不忿被屈。 — 游學修承認自己經常睇連登討論區，網民對他的人身攻擊已完全免疫，但不忿被屈。（圖片來源：混血肥仔截圖）

游學修他將被指笑「熊仔頭」食自己公司女一事重提，澄清冇咁嘅事但連登巴打冇人幫佢澄清，期間嬲到一邊揼梳化。 — 他將被指笑「熊仔頭」食自己公司女一事重提，澄清冇咁嘅事但連登巴打冇人幫佢澄清，期間嬲到一邊揼梳化。（圖片來源：混血肥仔截圖）

避忌上司下屬關係

工作室內，游學修有自己的房間，老闆格出晒嚟，肥仔問他會否呼喚下屬入房，他坦言「好避忌呢啲嘢」，而且已適應上司與下屬間的距離感，尤其是擴充、要做老闆角度的時候實在冇得揀，他謂：「你唔坐入嗰個房(老闆房)，你唔食嗰個屎，就有啲嘢發生唔到。」

游學修游學修出門口位迎接肥仔，肥仔問他係咪唔鍾意人嗌「修哥」。 — 游學修出門口位迎接肥仔，肥仔問他係咪唔鍾意人嗌「修哥」。（圖片來源：混血肥仔截圖）

游學修辦公室內有乾坤，除了有好大好大的客廳，仲特設乒乓波枱和健身室。 — 辦公室內有乾坤，除了有好大好大的客廳，仲特設乒乓波枱和健身室。（圖片來源：混血肥仔）

後悔搞NFT？

肥仔問到「NFT之亂」，直問有冇後悔搞NFT，游先指「依家未落到結論」，然後認真mode剖白：「呢兩個月個風向的確係，『試當真』cap水、『試當真』搵老襯，大掠一筆NFT，呢兩個月係造成咗呢個聲音，呢兩個月係有唔開心，呢兩個月嚟講係有後悔嘅成份，最唔開心係覺得係咪行錯棋累到我公司，原來NFT等於騙案，呢個想法嘅人咁多，而呢樣嘢係可以唔搵老襯㗎嘛！」肥仔亦附和指大部分人會用一個代明詞去諗一樣嘢，例如股票就炒嘅、BMW等於貴車，指他們唔識分好片面，而NFT在社會上的代名詞就是「呃X人」。游學修解釋當日有個直播做得唔到，他指當時技術層面上的東西未有時間接觸，係交俾技術人員處理，他當時的想法是「究竟要送舞台劇飛」點送去實行他謂是交俾技術人員去諗，但他發現原來係唔可以、觀眾亦唔接受，所以之後相關的他都親自處理，他處理時很疑惑，認為自己「我做創作嘅，又唔係做財經究竟做緊乜X嘢」，被插到最甘時亦反問自己「做乜無啦啦搞到自己咁樣，我揸住嗰啲錢，當然可以俾以後發展或者計劃資本大啲，但我承受嘅我會覺得唔值得，如果問後唔後悔就係呢樣嘢，希望過兩年時間可以證明到，但我都同自己講定，我呢兩年做得非常好嘅話，有好多人係唔會睇到㗎！」