港姐

(有片)網民:睇到尷尬癌發作,有全民投票都揀唔落手! 2018港姐15秒才藝表演遭狠批

流行娛樂

廣告

《2018香港小姐競選》將於8月26日在TVB電視城舉行準決賽及決賽,今年香港小姐競選新聞較往年多,其中更有不少負面新聞!TVB 在社交平台上載了各位佳麗15 秒的才藝表演片段。而網民更表示: 「到底呢班港姐,清唔清楚乜嘢係才藝。」今年又玩全民投票,有網民指看完才藝表演更加選擇不了!

原文刊於:對白Cap圖王|圖片來源:節目截圖、東方新地 |編輯:150cm女孩@Central

TVB為了令廣大市民深入認識一眾佳麗,上載了各位佳麗15 秒的才藝表演片段。

1 號佳麗 – 蘭倚婷

1 號佳麗蘭倚婷用「1999之急口令」做才藝表演。

有就網民好奇:「其實,佢係咪對才藝有咩誤解,做得好既先叫才藝喎,佢依加叫獻醜喎!」

2 號佳麗 – 庄嘉慧

2 號佳麗庄嘉慧就表演唱歌,識唱又真係唔怕唱啊!

3 號佳麗 – 梁致欣

好似3 號佳麗梁致欣扮女團Twice跳舞。

但就被網民狠批外表同Twice相差好多。只可以話,無乜事就唔好亂扮喇!

4 號佳麗 – 鄧美欣

4 號佳麗鄧美欣最「食腦」,一於擺幾個姿勢當才藝!

自信都出晒黎!

真係一眾佳麗都有自己一套「特別」的表演技巧。繼續睇!

5號佳麗 – 鞏姿希

5號佳麗鞏姿希同6號佳麗杜愛恩的才藝表演都係唱歌,不過杜愛恩就大玩自編、自填、自作、自唱!Um…真係辛苦晒。

6號佳麗 – 杜愛恩

7號佳麗 – 丁子田

7號佳麗丁子田雖然都係擺姿勢,但唔係將啲頭髮「潑來潑去」就叫性感㗎!

網民都忍唔住問:「肯定係才藝?」

8號佳麗 – 陳靜堯

只不過,丁子田都算有啲嘢睇,呢位8號佳麗陳靜堯就真係得淡笑!

網民恥笑:「8號係咪去錯左場?佢係咪應該搵譚玉瑛?」

的確係夠晒滑稽!

難度今屆香港小姐出現「才藝」荒?

而最新上載 9 號至 12 號佳麗的才藝15 秒表演,就一度被網民怒罵:「到底睇咗啲乜」同「連抖音都不如」。一齊睇睇點解。

9 號佳麗 – 工藤佑采

9 號工藤佑采跳舞原本都安全嘅,但唔知點解要「自摸」!網民都忍唔住講句:「好低質!」

10 號佳麗 –李芷晴

被網民評為最好嘅 10 號李芷晴,識得利用一把靚聲,清唱Twins 的下一站天后,輕鬆贏得網民掌聲!

11 號佳麗 – 李明芙

11 號佳麗李明芙嘅表演慘被網民指「集漏口同1999於一身」,點解?

香港小姐係選【美貌】與【智慧】並重,如果口齒咁唔清晰,又何必用急口令做表演呢?正所謂「獻醜不如藏拙」嘛!真係無你「芙」啊~

12 號佳麗 – 童銘欣

但要數經典又點可以少得呢位 12 號佳麗童銘欣,如果呢隻舞,喺天星碼頭跳,就要小心啲喇!

不過,有網民就笑指,其實呢個並唔係跳舞表演,係為推廣職安健而跳的復健舞。提早履行港姐義務?

網民回應要睇

1 號至 4 號佳麗

香港小姐2018才藝15秒 PART1 1至4號佳麗

【香港小姐2018才藝15秒】1至4號佳麗係香港人都知香港小姐美貌與智慧並重,但佢地可愛搞笑,能歌善舞既一面你地又知唔知呢?快啲黎睇下佢地有咩表演啦!記得留言支持你地的心目中既佳麗!#香港小姐 #misshongkong #港姐表演 立即下載big big fun投選啦!App Store: https://itunes.apple.com/hk/app/big-big-fun/id450713986Google Play: https://play.google.com/store/apps/details?id=com.tvb.tvbfun

Posted by TVB on Saturday, 18 August 2018

5 號至 8 號佳麗

【香港小姐2018才藝15秒】PART2 5至8號佳麗

【香港小姐2018才藝15秒】5至8號佳麗睇完1至4號既表演,係咪覺得各位佳麗好有才華又好可愛呢?係咪好想快啲多幾個表演呢?小編再送多一part俾大家啦~記得睇完留言俾意見啵xD#香港小姐 #misshongkong #港姐表演 立即下載big big fun投選啦!App Store: https://itunes.apple.com/hk/app/big-big-fun/id450713986Google Play: https://play.google.com/store/apps/details?id=com.tvb.tvbfun

Posted by TVB on Saturday, 18 August 2018

9 號至 12 號佳麗

【香港小姐2018才藝15秒】part 3 9至12號佳麗

【香港小姐2018才藝15秒】9至12號佳麗呢組真係好厲害啊,跳舞又可愛,又可以好好笑,小編睇完又睇!唔知到8月26日比賽當日佢地表演又會點呢?#香港小姐 #misshongkong #港姐表演 立即下載big big fun投選啦!App Store: https://itunes.apple.com/hk/app/big-big-fun/id450713986Google Play: https://play.google.com/store/apps/details?id=com.tvb.tvbfun

Posted by TVB on Sunday, 19 August 2018

回顧港姐全民投票系統故障

2012年港姐競選,無綫決定一改作風,首先用評判選出三強,再讓觀眾在節目最後十分鐘到TVB fun及網站以一人一票方式投選冠、亞、季軍。

無綫第一次引入這個方式選港姐,當然一定要落力宣傳,當時利用有機會獲得名貴房車來吸引觀眾參與投票。

曾志偉和叻哥訪問三位佳麗時,有工作人員突然從左手面入鏡,看似有事件發生。

後來見到主持之一的崔建邦從鏡頭右邊跑到左面,原來是接到了無綫最新通知。

三位司儀指系統因為太多人同時間進入而突然死機,要用大會評判作最後基準,現場傳來一陣噓聲。

最後叻哥:「我哋都估唔到,呢個係好突發,都要揭撓㗎喇!始終有1、2、3。」來打圓場。

當年TVB不斷賣廣告推全民投票,獲悉「死Server」後,三名司儀都顯得非常尷尬。

原本受網民熱棒的朱千雪最終屈居季軍,而張名雅及黃心穎分別奪得冠軍和亞軍。

之後在有網民發起一人一票選港姐冠軍,朱千雪獲得的票數大大拋離冠軍張名雅。

當年網民紛紛表達不滿,看來TVB發起的全民投票真令人大感失望。

Do姐有「特權」 被轟造馬造出面

2017年香港小姐競選更被轟造馬,皆因樣貌和表現被指欠佳的雷莊𠒇竟然因為鄭裕玲(Do姐)的決定性兩票而爆冷勝出。

原本何依婷比雷莊𠒇領先一票,若果二人打和時,就會由「美麗導師」校長Do姐做最後決定。

不過Do姐原本已經是評判之一,已經一票在手,所以變相Do姐有兩票可投。

最終Do姐選出雷莊𠒇為當晚冠軍佳麗,而雷莊𠒇更被指是歷屆最醜港姐冠軍。

網民有以下意見:

Do姐及TVB遭全城轟造馬,奇怪怎會有兩票。而Do姐在電台節目回應:「個心覺得係5號,所以就投5號,如果你哋鍾意其他賽制,等出年囉!」

時光飛逝,終於來到Do姐所說的「出年」,無綫非戲劇分部經理暨節目監製何小慧:「今次好玩喇!會公開畀觀眾投票心目中的香港小姐。」即是全民投票又回來了!

TVB 近年大力宣傳Big Big Channel 和Big Big Fun,當然要利用這些應用程式增加與觀眾互動率!

根據何小慧所講,今年會在19號深夜12點開始全民投票,觀眾要先下載Big Big Fun,投選5位心儀佳麗。

決賽當晚3強誕生後,觀眾再用一人一票方式投選冠軍,更指100%由觀眾選出。

不過歷屆港姐競選機制每況愈下,又很難令網民對今年競選不存任何懷疑。

YOU MAY ALSO LIKE ...