港姐殺手袁偉豪 秘密撻著張寶兒

流行娛樂

廣告

36歲的袁偉豪 去年與拍拖三年的前港姐岑杏賢分手,雖然佢多次希望重修舊好,但女方去意已決,覆水難收!袁偉豪甩拖多個月,不過型男唔愁冇著落,今年5月佢同楊明以及港姐出身的 張寶兒 (Bowie),遠赴坦桑尼亞拍攝無綫旅遊節目《打工捱世界Ⅱ》,期間 袁偉豪 同Bowie感情大進,一撻即著!

text-東方新地 photo- 袁偉豪IG、張寶兒IG、岑杏賢IG 、電視截圖、東方新地

張寶兒 袁偉豪 秘密撻著

不過袁偉豪事業錢途無可限量,有樣有肌又上位中,點會愁冇女?今年5月佢同楊明食過返尋味,遠赴坦桑尼亞拍攝熱爆旅遊節目《打工捱世界Ⅱ》,唔知點解同行仲有去屆友誼小姐 張寶兒 ,兩人可謂一拍即合,日對夜對,火速撻著!據知兩人回港後多次被目擊單獨約會,甜蜜撐枱腳。

張寶兒 火紅比堅尼客串

兩個大男人喺節目中打工捱世界, 張寶兒 其實只係客串一下,不過就火紅比堅尼上陣,即時搶去兩位男主持風頭!無論係彎腰寫天燈還是出水芙蓉,S形曲線都是表露無遺,而火紅色比堅尼更是讓人覺得特別火辣,雙倍加分。正啊!

袁偉豪 岑杏賢去年分手

分別是港男及港姐出身的袁偉豪及岑杏賢,呢對俊男美女情侶相當匹配,廣受粉絲愛戴,本來大家都希望兩人快啲拉埋天窗,可惜兩人最終在去年11月在網上宣布分訊!雖然袁偉豪多次表示有意復合,但事與願違,岑杏賢去意已決,覆水難收!

戀情低調

去屆友誼小姐 張寶兒 曾承認有一位拍拖多年的男友Jonathan,不過去年8月兩人慶祝拍拖七年後,未幾已經分手。回復單身的Bowie後來拍攝《打工捱世界Ⅱ》時,重遇選港姐時「欽點」自己演出旅遊節目的袁偉豪,自然一拍即合!

不過男方為免觸動舊愛岑杏賢的神經,一直堅持戀情低調處理。袁和岑拍拖的時候經常在網上放閃,但分手恐怕未能繼續成為朋友。變成你有你的生活,我有我的忙碌,二人沒有再在對方的IG出現過。

張寶兒 家境富貴

英國倫敦大學畢業的 張寶兒 笑容甜美可愛,觀眾望到佢都覺得好開心,成為友誼小姐可謂眾望所歸。而Bowie背景亦唔簡單,家住富貴屋苑禮頓山,其家庭喺禮頓山至少有七個單位,閒閒地值兩億!Bowie接受訪問時就謙稱自己屋企唔算好有錢,不過屋企人好錫佢,可以畀佢無顧慮做喜歡的工作。

Bowie仲有個細兩年的妹妹張寶欣(Boanne),不久後就會出戰今年港姐競選,Boanne同家姐一樣甜美可愛,唔知最終有冇機會入三甲呢?

兩任女友都是有學識、有家底,又有身材的香港小姐,袁偉豪,認真識揀啊!