【獨家片!港女都被他數透了!】 占士甸峰細數做兵條件

流行娛樂

廣告

喺香港要做愛—情專家其實唔難,只要你夠膽講兼放上網,無論你對愛情嘅睇法有幾正面或負面,一樣有人會睇你撐你(同鬧你),好似占士.甸峰咁,佢嘅YouTube channel「ATVB」開咗4個月已有超過38萬人次睇過,只因佢識得以抵死形式帶出港男港女嘅愛情文化,一針見血!既然對港男港女咁有研究,我哋就搵呀甸峰哥拍咗條片,等佢教下港男點樣做一個稱職嘅「觀音奇兵」….乜話?你情願食自己都唔做兵?咁只係你嘅女神未出現啫!

text – Oscar photo – Billy

甸峰嘅成名作《做完愛.回家之緊火雲銷》有成17萬人次睇過,佢話「啱啱發生完『佛光街野戰事件』,咁我哋當然要去番案發現場拍片,我哋都預咗會被人留難。拍攝當晚,喺理工大學門外拍攝嘅時候,真係有保安趕我哋走,咁梗係唔理佢繼續拍啦。冇幾耐,突然有交通警駛埋嚟,我心諗:『唔X係呀,拍片啫,唔使報警玩咁大呀?』點知個警察同我哋講:『呢度又真係值得紀念呀!』講完佢就駛走咗,我哋即時笑到收唔到聲!」即時同大家重溫:

甸峰話自己喺愛情方面冇咩值得人講,但網絡世界就係「收埋自己」同「出賣朋友」,佢話短片嘅情節都係朋友發生嘅事。咁呢位愛情專家嘅愛情觀又係點呢?「其實大部分男人包括我,接觸1個女性都會分開3個階段。第1個階段會先由睇外表開始,第2階段,識落就要觀察佢係唔係港女,例如因自我中心、自大變成嘅自卑咁。」即睇佢點define公屋妹同私樓妹:

甸峰話如果一切發展順利,到咗最後階段,大部分男人喺最後都會諗下有冇機會做佢嘅兵。(乜唔係諗有冇機會同佢拍拖咩?)以前嘅日子通訊冇咁方便,男仔惟有花多啲心機喺1個女仔身上,同時女仔亦冇咁易同其他男仔接觸,有人追自然會較易接受對方。不過嚟到今日,1個電話可以同時間寫message俾多個女仔,而女仔又可以同時被幾個男仔愛錫,咁咪形成『觀音同兵』嘅關係。女仔選擇多咗,除非自問條件出眾,否則大部分男仔都係諗下做『兵』好過做男朋友啦,即睇佢講5大追女大忌。

There is 1 comment

Add yours

Comments are closed.