海洋公園 x 原島大地 微電影5大回憶位


海洋公園 係好多香港人嘅集體回憶，40年陪著我地成長。今次佢地以「集體做回憶」為主題出左條微電影，搵嚟已經長大成人嘅 原島大地 ，時空交錯過去與現在，一幕幕窩心片段，勾起你既那些年回憶。小編而家為你推介片中5大回憶感動位，大家攞定紙巾喇！

text: bi 圖片：由海洋公園提供

海洋公園 x 原島大地5大回憶感動位

1.安安 X 佳佳

微電影時間線設喺1999年，當年亦係大熊貓安安、佳佳由四川移居香港 海洋公園 ，咁啱男女主角分別叫周成「安」、李婉「佳」，即刻俾同學仔笑佢哋，迫佢哋係熊貓館前合照。睇到張相，中學回憶返哂嚟，我都忍唔住想搵下自己以前同班同學仔去海洋公園學校旅行既合照！
2. 海洋公園幸福摩天輪

鏡頭一轉，女主角聽緊歌，原來聽緊係1999年派台嘅「幸福摩天輪」，好多人都幻想同心愛嘅人，一邊聽住歌坐摩天輪，諗起回憶即刻湧哂上嚟！

3.溫暖牌

中學時期，成日見到啲女仔上堂織頸巾。作為一個男仔，有女仔為你織頸巾係一種身份象徵，隨時就係戀情嘅開始。有好多男仔，畢咗業仲有收埋條「溫暖牌」得閒攞出嚟懷愐吓。
4.鎖匙扣

90年代最流行一種中學生定情信物，非鎖匙扣莫屬。嗰陣示愛都好含蓄，送個鎖匙扣就係暗示扣住對方，如果對方接受，就會見到佢書包掛住，成件事得你知佢知，真係幾鬼浪漫。
4.那些年的男、女主角

男主角係大家好熟識嘅原島大地，當年《忘不了》拉住張栢芝唔去孤兒院一幕，真係喊死人，期待佢有更多演出！不過女主角都好值得留意，Cecilia Choi(蔡思韵)係新一代氣質美女，做開freelance model嘅佢，成個微電影散發仙氣，好有90年代氣息！講多少少，佢快係台灣國立臺北藝術大學畢業，今次係佢第一次擔正。順手留意，除咗男女主角，背景首歌都好吸引，留意下歌詞，其實幾有意思… “想愛怎麼不說，別再錯過，過去已過去，現在來把握。至少為愛勇敢過，創造回憶的你我”。
睇完個微電影，小編最有共嗚既一幕係男主角多次想開口表白，但始終開不了口而錯過了眼前的機會。過去左就係過去左，呢部分既回憶只可以收係心入面。但係再諗下，而家呢刻你最珍惜既人係邊個?不如抓緊現在同佢去下 海洋公園 ，為未來造回憶！

另外，提提你 海洋公園 由即日起到5月14日舉行「親親動物月」，可以同金剛鸚鵡、犀鳥、樹懶等珍貴雀鳥同陸生動物近距離見面，仲可以同你摯愛影埋大拍合照留念﹗

詳情: https://goo.gl/DQkCQQ