泫雅容貌再進化變Joker 網民:正在失去理智!
廣告
韓國有「性感小野馬」之稱的泫雅,自從脫離舊公司,同咗男朋友Dawn之後一改風格,雖然同為性感大膽,但呢隻小野馬愈來愈狂野,早前上登上音樂節目表演時,臉部似乎有所升級僵硬唔自然。而家似乎仲甩埋繩走得太前,昨日(9日)泫雅於ig連續出咗3個post,有相有影片,今次風格即撞樣電影中《自殺特攻》的joker?!
泫雅撞樣joker 網民:正在失去理智
「性感小野馬」泫雅經常轉不同的風格,最近愈來愈「狂野」,由剪一頭短髮釘上唇環後,再換成一頭白金的長髮,配以超短眉上陰,化上一面煙燻濃妝不得止,牙齒仲整埋現時外國非常流行的「Grillz」,擺上狂野pose,乳貼若隱若現!唔少網民都留言第一眼完全認唔出係泫雅,變到成個電影《自殺特攻》joker咁,仲話難以接受「對不起親愛的我不喜歡這種風格」「正在失去理智」「你還好嗎,泫雅?」「分手對她打擊很大」,不過仍有粉絲大讚泫雅愈來愈酷,只係唔係個個識欣賞。
登韓國音樂節目 容貌再升級
泫雅早前推出新歌《Nabillera》後,登上《MCOUNTDOWN》音樂節目表演新歌時,就算經過濾鏡嘅包裝下,樣貌仍然顯得非常唔自然,雖然睇得出泫雅不時會擺出經典性感表情演出,但喺濃妝同臉部僵硬之下,顯得十分唔自然,甚至連做表情都顯得有啲吃力,引起網民關注。
即睇!
重溫泫雅歷年進化史
早前換上一頭短髮,釘了唇環。
睇返泫雅早期的mv,變化驚人:
圖片來源:ig@hyunah_aa資料或影片來源:youtube@ 1theK (원더케이)、ig@hyunah_aa、youtube@4Minute 포미닛(Official YouTube Channel)