泥鯭風波｜飲食專頁「Mee懲罰師」爆被無貼MIRROR海報：鏡粉群起罷食你！

泥鯭風波愈捲愈多人 姜濤回應：笑一笑，一切會更好

泥鯭評姜濤風波愈鬧愈大，而姜濤穿上印有「peace」上衣「用T恤說話」，昨日又出po分享拍攝MV花絮，並留言「笑一笑，一切都會好。you got a dream, you gotta protect it.」似要為風波回應，粉絲解讀成姜濤近來受盡壓力「這個年紀承受太多」。

飲食專頁Mee懲罰師爆料

被圍攻的藝人社交網仍然被平息，以支持及推介小店FB專頁「Mee懲罰師」就大爆，遭鏡粉質問為何無貼MIRROR海報：「你唔貼我就叫FC嘅人罷食你！」

近日圍繞 #Mirror、#Collar 嘅新聞不斷，令人聞風喪膽嘅都由「國安法」變成「鏡安法」，到底實況係咪咁誇張，Mee都可以同大家分享一下。

其實我哋不時都聽到，個別黃店出現「被唱衰」嘅風波，但其中一個常有嘅原因，竟然唔係立場或理念有疑慮，而係未能夠配合偶像應援活動（？！）

就像最近有小店會被質問「點解好似無乜share Mirror嘅嘢」，本身唔係鏡粉嘅老闆，被問到滿頭問號，走嚟問我哋有無咩建議…

又例如，當張貼一張獅子山海報都會被查牌嘅同時，原來只張貼個別一位成員嘅海報，同樣會招來攻擊，甚至被威脅「你唔貼我就叫FC嘅人罷食你！」。

最後無奈被扣上「唔支持年輕人」、「助紂CCTVB」等罪名，呢啲磨擦實在比起政府不斷嘅打壓，更令人痛心。

我哋相信連結留下來的人，並唔係因為一間電視台、一位歌星、甚至一隊男團，而係我地仍然着緊理念同戰友，真正「風雨不改」去撐堅守崗位嘅同路人。#堅守同路人崗位#唔係堅守電視機前個位

鏡粉質疑：個專頁係咪假？係咪假新聞？

19年成立的Mee懲罰師出post爆料後，即引起激烈討論，半日過千留言，不少網民留言圍攻，「鍾意MIRROR就變原罪，真係呼吸都係錯 」、「又抽鏡水、又借MIRROR做流量」、「可能有個扮鏡粉去泥鯭度搞事，又入鏡粉數」、「小店有無核實係咪真鏡粉先？叫你貼MIRROR海報就一定係MIRROR粉絲？」、「我唔係鏡粉，不過都覺得唔好乜都同MIRROR扯上關係」、「一個唔鍾意MIRROR嘅admin作個故仔出黎」、「我覺得MIRROR好慘，有禮貌又勤力，但總係被人惡恴批評＃我不是鏡粉」。

絕非針對鏡仔：請勿所有po歸納為撐鏡／反鏡

Mee懲罰師解釋絕無針對鏡仔，「希望唔好將所有Post都馬上歸納為「撐鏡/反鏡」兩個傾向，細讀內文，會明白Mee 就係想避免同路人用追隨那一位偶像作為「敵我指標」呢個現象亦唔係鏡仔直接促成，佢哋係無辜嘅！咁次令事件發酵嘅更唔係姜濤本人」

網民：可唔可以教育下啲粉絲？

有網民力撐專頁，「上年鏡最紅果陣鏡粉會去黃店叫人幫手派應援就事實黎」、「 M記年頭轉咗用華納班人，佢哋都狂鬧MC張啦，搶咗Edan個獎又搶廣告」、「真接開名啦！」、「點開名呀，一陣又要人拎CCTV出黎又要被人再洗過版，你估小店好得閒咩」、「本來我都唔信admin，但一個post成功引到咁多人入黎攻擊，就知呢單嘢係堅啦」、「班鏡仔好心教下自己班粉絲啦」、「出聲控制下班癲粉，泥鯭、RubberBand、坤哥、盧覓雪，一個一個咁被班癲人征討」、「呢個專頁19年就有，將好多間小店連盟，你係咪追星追到盲咗？唔接受真話就話人地假新聞，假店，假專頁」、「幾時唔撐鏡＝反鏡？」