泥鯭自嘲遭受「鏡安法」處決！「姜糖」小肥、作家力撐姜濤幫口大反擊

泥鯭＠RubberBand寸嘴：瘋狂對群體來說是常態

泥鯭（黎萬宏）暗寸姜濤，疑似寸埋男歌手金獎得主盧瀚霆「諗返當年亞太區最受歡迎男歌手真係’實至名歸’」，社交網瞬間變成戰場。被鏡粉狠批「廢老」、「原來為宣傳RubberBand新歌《宇宙大王》」、「妒忌MIRROR」、連女友黃心穎都遭殃「揀女就知你腦殘啦」。但泥鯭堅持做自己，不停出po寸鏡粉玻璃心，又憑歌寄意，又出圖指遭受「鏡安公署」公審是「與有榮焉」等。

小肥反擊泥鯭：睇下姜B生日同教主去馬場個誇張畫面，就知名唔使造馬

歌手小肥（徐智勇）就公開撐MIRROR、撐姜濤、撐Anson Lo、撐鏡粉、撐ViuTV，大平反直指頒獎禮頒給MIRROR，絕對無造馬，因為「睇下姜B生日同教主去馬場個誇張畫面，就知名唔使造馬」，又指其實其他歌手及粉絲們要反省下「大有好似鏡粉咁積極投票？」、自己唔去投票「 但結果唔好又唔鍾意。」似是回應泥鯭，兼同泥鯭唱反調。

原文如下：

「 其實話頒獎禮頒哂比自己台嘅歌手，如果係全民投票的話，係Mirror的話，講真又真係唔駛造馬。其實睇吓姜B生日同教主去馬場個誇張畫面，又真係唔係好駛造馬。其實我地反而諗吓，大家有冇好似鏡粉咁好積極去投票比自己心頭好？投票投票投票從來由10年前講到口水乾好重要都好多人冇去投，但結果唔好又唔鍾意。我以前仲係澳門演藝人協會會長時都搞過一個頒獎禮，為咗要公平我地度個機制都度咗半年，最後好多棋人歌手攞獎咪又話我哋造馬。咁嗰期棋人歌手人多又作品多曝光又多，自然相對地人地投票嘅機率都比較多都冇計架，唉～」

「姜濤台上感言毫無機心」

唔單止小肥撐姜濤，時事評論員兼專欄作家王陽翎，亦撐姜濤台上感言夠坦率兼零機心，他指自己見盡偽善者到自欺入骨的人，但見到姜濤在台上的一度話，認為姜濤是「 新一代最無輩份和階級觀念，毫無顧忌表達內心看法，正因為坦率，不懂修飾偽裝，更易惹人非議，完全跟『機心』二字相反。姜濤在台上的言詞和表達，頗合符他的年紀和閱歷。」王陽翎又指姜濤身在娛樂圈，反應該盡快學懂幾分機心，以應付日後永無止境的中傷。