沈震軒大隻肌肉照秒變「Charm爆中佬」 私下最愛玩玩具！？

沈震軒大隻肌肉照秒變「Charm爆中佬」 私下最愛玩玩具！？

今年39歲的沈震軒近呢幾個月開始經營個人YouTube頻道，首3條片皆與健身有關，片中大騷自己的一身肌肉，由於太愛做Gym，更在家中特設健身房，無時無刻都可以「瘋狂做Gym」。而Sammy亦想試一試玩健美比賽，所以呢排都操得相當密。

同Shirley放閃 焦點變咗Sammy肌肉！？

Sammy與女友Shirley陳欣妍都經常在IG上放閃，近日一輯幫Calvin Klein拍攝的廣告照片中，兩人以Fit爆的姿態拍攝，而Sammy亦在照片中大騷一身爆肌，就連男仔都忍唔住望多幾眼！仲有網民睇完照片，直言被Sammy的肌肉吸引住！

Charm爆中佬追趕「烏鴉哥」

不過要講沈震軒嘅Charm位，絕對是其有型的紳士型鬍鬚， 再加上All Back髮型，配上一身肌肉散發出一陣「男人味」。對上一個咁有「佬味」的男星，就已經是即將踏入60歲的「烏鴉哥」張耀揚。雖然Sammy未有咁高階的「佬味」，但相信未來都一定能夠成為「張耀揚2.0」。

私下玩具收藏公開

其實沈震軒都係一個「大細佬」，YouTube上的新片公開自己收藏的Hot Toys玩具，除了在樓梯間已經有設置玩具展示櫃外，其飯桌後面更是整整成面牆都係Hot Toys玩具，由Marvel到DC，甚至一些其他電影以及動畫角色模型都有，Sammy仲十分愛惜佢哋，連擺位都有晒講究！

睇片！