汪小菲不滿貼200萬大床 大S終於頂唔順反擊！
廣告
大S徐熙媛與前夫汪小菲去年11月宣布離婚後火速與其前度韓星再續前緣，可惜被一直被汪小菲追擊不放，先被汪小菲微博發文鬧其妹小S後，又爆「大S長期以他人處方服用違禁藥物」，震撼全網後隨即刪文。後來攻擊不遂後而惹起台灣資深記者葛斯齊不滿，遭瘋狂追擊，直播揭秘爆出婚內出軌，逼得汪小菲2度求饒！沉寂咗一段時間後，再爆出消息指汪小菲未有安約定支付大S生活費，汪小菲今次嬲爆，即透過律師發聲明，喺微博po埋贍養費清單，指自己貼大床俾大S同老公，仲暗寸具俊曄係窩囊廢！大S終於忍唔住要回應！
大S得體回應：希望停止糾紛
汪小菲連環爆大細s連其媽媽，仲鬧埋大S老公具俊曄後，大S先委託律師發聲明，指自己認識前夫汪小菲後並無傷害過佢身、心，對佢父親、母親都係發自內心的尊敬，而離婚的原因都係為咗其父母著想，主動提出認為緣份已盡，想好嚟好去，保證唔會再出惡言。而對於前夫汪小菲一陣大投訴孩子撫養權，大S指一直都係共同監護，亦係雙方同意，並希望汪小菲唔好封鎖佢，以免佢無辦法第一時間睇到佢鬧情緒同埋希望停止糾紛。不過汪小菲似乎唔多受，反駁大S如果真係愛佢老豆老母點解唔返嚟北京，過時過節都唔見咗人，不滿大S唔願意喺返嚟北京。大S回應網民普遍都認為既大方又得體，反而汪小菲的反駁就明顯醋意濃烈！「不行追回來吧复婚，讓穎穎和光頭在一起」「你要是敢發微博表白大s求復合，我就敬你是條漢子!」「別太愛了」「醋意濃濃」「大S回應得體多了」
大S即刻還返200萬大床
而暗寸具俊曄係窩囊廢「別人住就算了，你個窩囊廢換個床墊行嗎？」，原來係指汪小菲貼價值200萬台幣的頂級瑞典品牌的床墊。據台媒報導，當年為咗大S瞓得舒服啲而買下，大S同具俊曄結婚後住在汪小菲買的豪宅，所以瞓嘅都係嗰張床墊，令佢相當不滿。對於汪小菲呢個說法，台媒指，大S即刻將床墊送返去汪小菲現時台北住的酒店門外。
圖片來源：weibo＠汪小菲、大S微博圖片
