韓國男神池昌旭香港搭地鐵打卡無人認到(有圖) 粉絲：咁超現實！
池昌旭貼地搭地鐵去鰂魚涌打卡
憑韓劇《The K2》、《Healer》、《便利店新星》而紅爆的男神池昌旭嚟到香港，令當日《第十六屆亞洲電影大獎》頒獎禮引發不少尖叫聲。池昌旭參加完頒獎禮後在港旅遊，仲喺IG限時動態中po出自己搭地鐵的照片。照片中可見，池昌旭身處地鐵車廂中，仲俾埋地鐵路線圖，見到佢搭緊荃灣線，喺金鐘站，下一站係尖沙咀！除咗搭地鐵外，池昌旭仲去埋鰂魚涌打卡勝地海山樓，跳起身打卡非常可愛。
池昌旭無帶罩都無人認到？！
其後引發網民喺討論區討論，唔少網民都大讚男神貼地搭地鐵，同時可惜自己錯過同男神相遇的機會。不過有網民指池昌旭story可見係無帶口罩，質疑點解好似無人認到佢「同一架車廂見到個靚仔無戴口罩，都應該望多幾眼啦，點解佢附近冇fans尖叫，香港人搭地鐵唔好掛住玩手機啦」有網民就認為「香港人淨係識mirror」「即係喺香港地 你好似池昌旭咁靚仔，都係冇女理你」「普通人咪當佢係一個潮啲的大叔咁既款」
網民爆料當時車箱都係師奶
網民就爆料指自己當時同池昌旭係同一卡車，佢身旁唔似有保鑣，只係有個同佢差唔多年紀嘅人喺佢附近，但當時無人為意到池昌旭，可能因為果卡車年齡層問題，又認為可能大家唔會認為男神會搭地鐵只係人有相似「嗰卡車都係師奶，證明師奶唔鍾意呢啲」「見到應該都只會當係個好似佢嘅人」「係，唔會覺得咁超現實」「如果你唔知佢嚟咗，就算俾你喺現場見到都只會覺得佢係一個好似某明星嘅人」「都唔會夠膽去搭嗲」
池昌旭無戴口罩搭地鐵都無人認到？
池昌旭參加完頒獎禮後在港旅遊，仲喺IG限時動態中po出自己搭地鐵的照片。照片中可見，池昌旭身處地鐵車廂中，仲俾埋地鐵路線圖，見到佢搭緊荃灣線喺金鐘站，不過有網民指池昌旭story可見係無帶口罩，質疑點解好似無人認到佢…詳情請看
網民爆料當時車箱都係師奶？
網民就爆料指自己當時同池昌旭係同一卡車，佢身旁唔似有保鑣，只係有個同佢差唔多年紀嘅人喺佢附近，但當時無人為意到池昌旭，可能因為果卡車年齡層問題，又認為可能大家唔會認為男神會搭地鐵只係人有相似「嗰卡車都係師奶，證明師奶唔鍾意呢啲」…詳情請看
