59歲江華自爆當年因一個原因好憎演唐三藏 網友：佢做戲真心唔錯

撰文：八卦妹｜圖片來源：抖音＠江華、劇集《西遊記》截圖、劇集《尋秦記》截圖、劇集《楊貴妃》截圖、劇集《九五至尊》截圖、連登討論區截圖

江華曾是亞視一哥

江華曾報名投考1985年亞洲電視第4期藝員訓練班而入行，之後參與《勝者為王3之王者之戰》、《銀狐》、《我和春天有個約會》、《九王奪位》等多套劇集，由於演技出色，年紀輕輕的他就已受重用，成為亞視一哥。

96年加盟無綫 曾飾演多個經典角色

1996年時，江華由亞視過檔無綫，首個演出劇集正是《西遊記》並飾演「唐三藏」一角，及後還有《金玉滿堂》飾演「乾隆帝」、《楊貴妃》飾演「唐玄宗」、《尋秦記》飾演「連晉 / 嫪毐」、《九五至尊》飾演「雍正帝（李大蝦）」、《楚漢驕雄》飾演「項羽（楚霸王）」等不同的經典角色，而當中最為人記得莫過於《尋秦記》、《九五至尊》、《楚漢驕雄》。

江華抖音自爆唔鐘意演唐三藏

日前，江華拍抖音自爆當年其實是極度不喜歡飾演「唐三藏」一角：「其實我係極度唔鍾意演唐三藏呢個角色，你知啦唐三藏，係我理解入面係冇咩戲做，成日都「阿彌陀佛」 「阿彌陀佛」「阿彌陀佛」，好木納，又冇得發揮，所以個時好唔開心，但我份人就係咁，如果應承做一件事，我就會全力以赴。」及後，江華就指自己一直思考如何可以將角色演繹得更好，結果他便為角色加入一個無懼無畏的心態，而當劇集播出後，江華這個角色所得到的評價亦十分高，因此，江華也不忘感謝大家的支持同肯定。

網友：佢做戲真心唔錯

有不少網友看到後，都有留言並紛紛大讚江華的戲路十分廣，而且做戲真心不錯：「佢做戲真心唔錯」、「佢個唐三藏係做得幾出色」、「佢做項羽入型入格 要霸氣有霸氣 要溫柔有溫柔」、「佢做戲真心一流，就算尋秦記都做得好好」、「演咩似咩，真心勁，唔係咁易做到架」、「戲路好闊，忠奸皆宜。」