江嘉敏網上放閃孖男友頭貼頭兼公主抱 男友投訴：是你大褸太重還是…

文：東方新地 ｜圖：江嘉敏IG、Anthony IG、新傳媒圖庫 ｜編輯：HM（原文刊於：東方新地）

男友投訴 ︰是你大褸太重還是…

江嘉敏近排新聞多多，之前佢被指背住電競公司高層男友Anthony，疑似偷食男友嘅好朋友X先生嘅新聞被翻炒而嬲爆，搞到佢要喺IG發文表達不滿！不過，隨住聖誕節臨近，江嘉敏已放下怒氣，日前喺IG大晒同男友拍拖行街嘅合照，男友仲懶理途人目光，以「公主抱」抱起佢，而江嘉敏亦好識做，即時樹熊上身依偎在男友臂彎內，又頭貼頭深情互望，畫面羨煞旁人！不過，Anthony之後竟敢投訴女友好似肥咗唔少，江嘉敏留言話：「𝐶ℎ𝑟𝑖𝑠𝑡𝑚𝑎𝑠 𝑖𝑠 𝑐𝑜𝑚𝑖𝑛𝑔﹗大褸終於出動了！見到聖誕樹，忍不住要合照一下，感覺好幸福。剛巧合照站在蝴蝶結下面，我們都是互相的禮物吖！臨走時，他說了一句：『是你大褸太重還是……』！」

男友做阿四

日前,本刊全程直擊江嘉敏搵男友幫手搬屋,當日約早上十一時 許,只見Anthony 在村屋外指示搬運工人搬嘢上貨車,江嘉敏則留在屋內 打點,全程點男友做阿四,Anthony 來回十多次搬雜物及清理垃圾,搞了 兩個多小時,傢俬雜物塞滿成架貨車,男友搬搬抬抬十幾轉都依然咁 冧,無他,姣功耍家的江嘉敏,搬搬吓嘢,可以冧男友玩畫手仔,只見 Anthony 摸著江嘉敏手仔寫字喺手掌,之後她又撒嬌要寫埋一份,江嘉敏 捉住男友手臂寫嘢時,Anthony 更合埋眼極之享受,似乎女友姣功已經令 他無法抗拒。

忽然撒嬌扭抱

之後江嘉敏坐男友的寶馬座駕,跟在貨車後面一同出發,去到太子 道西新居,男友先將座駕泊到自己寓所停車位,再同江嘉敏前後腳返新 居執嘢。晚上九時,兩人執嘢執到肚餓,一齊行去九龍城搵餐廳醫 肚,江嘉敏全程戴上口罩唔想畀人認出,兩人連行去食飯都好癡纏,近 六呎高的Anthony全程搭著女友膊頭行,又幫女友孭住手袋,行到路 口,江嘉敏忽然撒嬌扭抱,Anthony竟唔理路人注目將她成個抱起過馬 路,江嘉敏姣功果然名不虛傳!