江嘉敏失戀閉關療傷 屈到病要睇中醫 暗示被嫌棄兼催婚失敗

流行娛樂

廣告

27歲的江嘉敏日前宣布與拍拖3年的電競高層男友Anthony分手,仲出po唱通街,意指剪短髮被嫌棄,男方疑似出軌令她徹底死心。不過已經唔係首次畀仔飛的江嘉敏今次似乎放唔低,連日在社交網繼續盡訴心中鬱,透露閉關唔出街,失眠個幾月要睇中醫,仲上載舊MV暗示與男友對結婚意見有分歧。

江嘉敏受重創匿家療傷

日前自爆與拍拖3年電競高層男友Anthony甩拖彼,江嘉敏單方面咬住唔放,除UnfollowAnthony的社交帳號外,連日來不停發文抒發感受,似乎傷得甚重,她透露自己足足半個月沒有離開家門。

江嘉敏 江嘉敏未能走出分手陰霾。
江嘉敏未能走出分手陰霾。(圖片來源:IG@kaman_kong)
江嘉敏 江嘉敏連日在社交網抒發失戀情感。
江嘉敏連日在社交網抒發失戀情感。(圖片來源:IG@kaman_kong)

江嘉敏閉關睇書悼念已死愛情

江嘉敏在社交網上載兩本書,書名分別是《自愛是》與《靜心是》,似乎想透露自己當下心情,更留言:「把自己關在家裡快半個月了,大家放心,我沒生病,身體好得很……也有準時吃飯……謝謝朋友送我的兩本書……都是很值得深思的課題。」江嘉敏閉關療傷的同時,更因為失眠個幾月,最終要去睇中醫。

江嘉敏 江嘉敏公開自己最近睇的兩本書。
江嘉敏公開自己最近睇的兩本書。(圖片來源:IG@kaman_kong)
江嘉敏 江嘉敏又透露已失眠個幾月,要去搵中醫急救。
江嘉敏又透露已失眠個幾月,要去搵中醫急救。(圖片來源:IG@kaman_kong)

江嘉敏暗示與男友意見分歧

此外,江嘉敏在限時動態上載2016年為曹震豪拍攝的《循序漸愛》MV,觸景傷情留言:「呢個時候彈呢個MV出嚟,好咩?啲對白……真係好入心入肺!」這個MV內容講述一對同居戀人,生活變得平淡,開始嫌棄對方,似乎是江嘉敏的真實寫照,江嘉敏更在MV內向曹震豪表示:「我同你一齊咁耐,點解我唔覺得你有諗過我哋將來嘅?」曹震豪答她:「將來嘅嘢邊個知呀?依家唔好咩?」據知江嘉敏近年非常擊進,不時提出結婚的問題,似乎是在暗示與Anthony在結婚問題上意見分歧,仲分手收場。

江嘉敏 江嘉敏憑歌寄意。
江嘉敏憑歌寄意。(圖片來源:IG@kaman_kong)

網民P圖令江嘉敏笑容再現

分手雖然傷心,但江嘉敏亦苦中作樂,她上載了多張網民的改圖,對於因剪男仔頭畀仔飛,網民戥她唔抵,仲幫佢P了多張長髮靚靚圖,江嘉敏睇完表示呢兩個月笑得最開心,多謝網民咁有創意,仲留言:「見到自己可塑性原來可以咁高,唔驚冇人追啦」。

江嘉敏
(圖片來源:IG@kaman_kong)
江嘉敏
(圖片來源:IG@kaman_kong)

關鍵詞
江嘉敏
撰文:東方新地圖片來源:IG@kaman_kong