毒舌大狀丨謝君豪演技被激讚 入行30年謙虛不炒作曾拎影帝？
《毒舌大狀》︳謝君豪壓場感超強
唔少人都大讚《毒舌大狀》演員演技出眾，如王丹妮、黃子華、謝君豪、Dee哥、楊偲泳等人。黃子華、謝君豪喺電影中係完全對立的角色，2人係法庭上的對戲簡單令觀眾直呼難忘。謝君豪最近出演不少賣座港產片，由《明日戰記》飾演陳蒼松博士到《過時．過節》主演陳旭真，一位沉默寡言的爸爸，直到《毒舌大狀》一位理性至上的金遠山，每個角色都帶出截然不同的演技，唔少觀眾都話唔講唔知原來係同一人。《毒舌大狀》中謝君豪無論係整體氣場定壓場感都活演金遠山呢個角色，令觀眾大讚「壓場感勁到，佢真係好x charm」「我冇辦法唔承認謝君豪呢真係好x好戲，睇完都係冇辦法忘記呢佢」「對住證人笑，突然變面，個氣場勁x到」「演技好，又有型」！
謝君豪︳家境困窮 做過sales賣女性用品
喺彩虹邨長大的謝君豪參加咗學校的戲劇比賽後而產生咗對演戲的興趣，開啟咗佢的演藝之路。1984年謝君豪出嚟社會做嘢之後，為咗追夢，一路做sales賣化妝品同女性用品，後來又做過男護士同辦公室助理，之後考到演藝學院後成為全職演員。
謝君豪︳曾擊敗張國榮 拎金馬影帝
謝君豪喺1993年、1997年出演《南海十三郎》而為人所熟悉，竟然擊敗《春光乍泄》入圍的哥哥張國榮，成為咗第34屆金馬獎影帝！雖然拎咗金馬影帝，不過謝君豪並無因此而爆紅，更繼續謙虛研究戲劇，令演技愈來愈勁。
謝君豪︳入行30年謙虛不炒作 零緋聞負面
謝君豪已入行30年，一直謙虛不炒作，無緋聞同負面新聞，就算早前因2010年時《楊貴妃秘史》救一名小女孩俾火燒傷毀容，謝君豪都係低調養傷處理，無用嚟大肆炒作，之後因為黃秋生爆料先令大眾知道。
《毒舌大狀》有什麼必睇原因？
《毒舌大狀》，一上映5日即破3000萬票房，子華神亦因此將「票房毒藥」一改為「賀歲之神」。網上已有唔少對《毒舌大狀》熱討，有讚有彈，網民更列出3大必睇原因。首先網民大讚雖然比預告片呃咗以為係一貫賀歲喜劇，原來係一套有意思且內容嚴肅的律政正劇電影，更大快人心…詳情請看；最近《毒舌大狀》在內地上畫更狠刪了一場親熱場面…詳情請看
《毒舌大狀》故事大網是？
面對隻手遮天的權貴，子華神以三寸不爛之毒舌伸張正義！大律師林涼水（黃子華 飾）以毒舌見稱，在處理一宗全城關注的虐兒案時，他因一時自負大意而令無辜被告人曾潔兒（王丹妮 飾）蒙受17年冤獄。直至一次翻案機會出現，但因案件涉及香港顯赫家族，整個傳媒界、警界、以致司法界都與林涼水為敵！在勢力懸殊的法庭內，林涼水面對主控官金遠山（謝君豪 飾）的咄咄進逼，依然無畏無懼，全力以寸嘴與權貴終極舌戰…詳情請看
