《殺手》4女被伍姑娘逼供爆性事高海寧曾做第三者李佳芯試過最刺激嘅地方竟係圖書館？！｜頭號粉絲

Aug 5 2020

《殺手》是現時無綫熱播劇集之一，本周五將迎來大結局，所以伍詠薇同林盛斌所主持的清談節目《Tiger’s Talk》，就邀請到《殺手》4女分別是李佳芯、高海寧、龔嘉欣及江美儀到場，大談男人出軌以及兩性關係，伍姑娘更逼供眾人，大爆性事，還愈問愈深入，愈講愈露骨，弄得高Ling及龔嘉欣要數度向高層樂小姐求救。

文：東方新地｜圖片來源：Tiger’s Talk截圖｜編輯：八卦妹（原文刊於：東方新地）

《殺手》4女被伍姑娘逼供爆性事

《殺手》一劇中的四位主要女角李佳芯、高海寧、龔嘉欣及江美儀，日前受邀到伍詠薇同林盛斌所主持的清談節目《Tiger’s Talk》做訪問，眾人在節目中一齊大爆性事，伍姑娘更大講男人出軌，面對二奶的問題，絕對不容錯過。

龔嘉欣談性事：會不斷學習去配合另一半

最初伍詠薇以傾感情事入題，再講到馭夫術，後來轉化成感情同性事不可分割，仲話自己唔係鹹濕，而係男女關係重要的一環，然後開始自爆自身經驗，指自己不同年紀會有不同招式，又話只要一個眼神大家有默契就可以去造愛，仲豪言場地不會只局限在床上，伍姑娘話：「床係要嚟瞓㗎咋﹗」以爆料做引子，然後開始向嘉賓們套料，問會否配合另一半去增加性趣？龔嘉欣答：「男人都係愛新鮮、刺激，會配合另一半，都會聽多啲朋友經歷，會去學習，作為一個女人就算結婚一段時間又要學﹗」阿Bob即問高Ling係咪會盡全力去配合？高Ling不太情願回答就話：「我冇咁講，只係話嘉欣咁講。」被兩位主持逼供下，高Ling避無可避就答：「睇心情啦﹗睇吓嗰日拍完劇攰唔攰啦﹗」被伍姑娘一再追問後，高Ling一度大叫：「律師律師﹗」又向鏡頭後的高層樂易玲求救，伍姑娘就話中國人女性講性都仲係咁忌諱，高Ling 即和應：「你講得啱，私下講乜都得，開大咪（鏡頭前）就唔好喇。」

江美儀幫手助攻直接問李佳芯，依家同男朋友仲有冇激情。，Ali驚到縮埋一邊。 — 江美儀幫手助攻直接問李佳芯，依家同男朋友仲有冇激情，Ali驚到縮埋一邊。

被問同男友試過最刺激的地方美儀代Ali答：佢梗係圖書館啦

之後兩位主持加埋江美儀一起夾供 Ali BB，Ali話自己未婚唔識馭夫術，江美儀直接問：「咁你同男朋友依家仲有冇激情㗎？」伍姑娘再問拍拖到依家有冇激情過，Ali臉紅紅答冇，阿 Bob驚訝反問：「同男朋友由開始到依家有冇激情過先？」Ali如食了誠實豆沙包回答「冇﹗」，李佳芯即解釋：「因為我想同另一半嘅關係似朋友，可以入到對方嘅心入面。」即被伍姑娘同阿Bob笑乜咁深奧，二人繼而下一個話題，問到性愛場面，伍姑娘又係先自爆指喺床度造愛太悶，然後問大家試過喺邊個造愛場地覺得好正？並即問李佳芯，在旁的江美儀搶答：「佢梗係圖書館啦﹗」伍姑娘同阿Bob即自行FF又做埋動作，Ali笑到臉都紅，又尷尬都坐喺度傻笑。

伍姑娘指Ali的愛情觀可以細水長流，不過直指：「如果遇到另一半都係咁，係可以細水長流，不過都好悶囉﹗」

江美儀就唔同，大方談性事，又話男女都得到享受係一件太正嘅事。當話題講到最佳性愛場所，阿Bob問江美儀試過最正嘅性愛場地喺邊？江美儀面不紅耳不熱就立即答：「洗手間，沖沖吓涼，幾正，唔怕烏糟，可以沖埋身㖭﹗」在旁李佳芯聽到目瞪口呆。

高Ling被騙做小三伍姑娘：睇你嗰樣都知專搶人嘢

節目中又講到出軌呢個話題，高Ling自揭曾被男友呃做咗小三都唔知，仲呃足半年，高Ling：「我試過被分手被背叛，之前變咗小三，仲呃咗我半年，最後佢選擇咗個女仔。」伍詠薇一臉不信任仲兇高Ling：「你似係搶開人嘢喎﹗」高Ling話：「我知我個樣似好有殺傷力，不過其實我好易信人﹗」伍姑娘不肯罷休：「你似搶人嘢，成個葉繼歡咁拎住支AK47咁掃。」受過情傷的高Ling指從失敗中成長：「我覺得係成長經歷，我會祝福佢哋。」