鄭欣宜出post留言區慘變「炒車區」Fans竟然崩壞送上生日祝福！
廣告
鄭欣宜於呢幾年落足力，上年更在「2021年度叱咤樂壇流行榜頒獎典禮」奪得女歌手金獎，證明了自己的實力。近日她就出post悼念母親肥姐沈殿霞的死忌，不料fans竟變成對她祝福，大講Happy Birthday…
鄭欣宜出post留言區慘變「炒車區」Fans竟然崩壞送上生日祝福！
欣宜於昨日母親肥姐沈殿霞死忌之日po出關於自己與母親過往的合照，更憶述起自己與媽媽的往事，睇到嘅人都感受到佢哋兩人嘅母女情懷。文末欣宜都指出：「今年35歲了。佢都走咗14年了。」，「人越大越珍惜佢那種不離不棄。無論我有多壞，無論我令佢多失望，到最終佢都會叫我「過嚟」然後錫返我。」。
之後她亦都寄語可以找到一個同樣對自己不離不棄，就算發生咩事都會呵護自己的人，再加上hashtag「我仍會等」。可見整篇文章都未有提及自己生日，而且欣宜的生日5月30日。不料留言區竟然崩壞，令人真係成頭「黑人問號」。
留言區不少人都向欣宜送上祝福，直言「Happy Birthday」，又指希望欣宜有美好的一天，更有人指「過嚟，姨姨錫返你」。成件事就好似為欣宜雪上加霜一樣，在自己母親的死忌上竟然收到「Happy Birthday」的祝福…
不過都有網民眼睛係明亮，閱讀理解應該都正常，祝福欣宜可以找到一個「Mr.Right」，亦表示自己十分欣賞她一直以來的堅持，可以看到母親沈殿霞都有一直在保護她。
圖片來源：Facebook@鄭欣宜 Joyce Cheng
