機動電視台RTV|粉絲不滿鄭中基節目0新意 唔想再盲撐 分析2大問題!

流行娛樂

廣告

鄭中基(Ronald)自家youtube頻道《機動電視台RTV》3年前成立,經常由鄭中基本人拍片發放笑料,一出片通常都能佔youtube熱門影片一席位,該頻道至今已有494k粉絲訂閱。不過近日就有粉絲投訴,發起一個「覺唔覺鄭中基個channel好x悶?」的討論,而且仲獲得唔少人認同。

機動電視台RTV
(圖片來源:YOUTUBE@機動電視台RTV)
機動電視台RTV
(圖片來源:ig@rtv_runningteam)

粉絲投訴鄭中基頻道消費粉絲 0內容創意

有粉絲近日於討論區發表一個討論叫「覺唔覺鄭中基個channel好x悶?」,內容認為指自己本身都係鍾意Ronald無論係歌、電影等,不過就認為佢《機動電視台RTV》的影片好無聊,基本上都係讀粉絲的故事為主,用佢哋創意,實質諗返轉頭,成個頻道無咩內容可言。更指出杜汶澤的自家頻道《喱騷late show》仲有睇頭,指會睇到好多有關杜汶澤自己的故事。討論一出,竟獲得唔少網民認同「睇片既全程我一粒聲都笑唔出,鄭中基又唔係講得好笑, 件事本身又唔好笑」「有時食飯播下當bgm」「係好x悶」「終於有人講,我一直都唔明睇佢讀人comment 有咩好睇」「我有睇都係當背景開,但其實以utube channel黎講真係好差,唔係有鄭中基光環收左x 9世,之前有條片玩switch仲要搵個唔講野既健身教練出鏡,我屋企人話我睇到十分鐘都叻仔」「係,但讀內容果啲片最多人睇,有成百萬views,你吹佢唔漲」「完全無內容」「電台channel,唔係for你全神貫注咁睇」「終於有人講,低質到痴線」「內容都唔使自己度,啲fans做埋員工幫佢寫稿咁」除咗內容外,仲有網民投訴湘姐「贊成,仲有嗰幾條女甚麼湘姐成日插嘴好煩,鄭中基要諗諗第二種形式拍YouTube」

機動電視台RTV
(圖片來源:IG@rtv_runningteam)
機動電視台RTV
(圖片來源:YOUTUBE@機動電視台RTV)
機動電視台RTV
(圖片來源:LIHKG討論區截圖)

圖片來源:ig@rtv_runningteam, LIHKG討論區截圖, YOUTUBE@機動電視台RTV, 資料或影片來源:YOUTUBE@機動電視台RTV, IG@rtv_runningteam