楊明燉湯全線結業 背後動機係想返大陸搵人仔？！
廣告
楊明（Mat）與女友莊思明開的燉湯店因疫情嚴峻，月蝕7位數，後來更傳出面臨全線門市結業的問題！唔少網民都猜測《燉》店的去向，到底真係改名重新，定係真係停止營運。最近發現原來楊明同女友莊思明原來北上搵食，睇嚟唔係結業，而係想搬遷到內地？
楊明與女友莊思明想返大陸搵人仔？
楊明（Mat）與女友莊思明最近齊齊北上，仲玩抖音拍片，原來2人去咗佛山，睇相2人未有受香港《燉》店結菜所影響，仲開心到處打卡影靚相。唔少網民猜測2人結束香港分店的營運其實係想搬遷到內地發展，想於內地賺人仔捲土重來，仲笑指楊明可以整新湯「野味燉湯」，而內地網民都紛紛歡迎2人嚟內地開店。
重溫楊明終於捱唔住《燉》結業
香港抗疫兩年幾，飲食業多番因為疫情而大受影響，楊明的燉湯店「燉」就曾經話冇影響，上年年中仲在開設第七間分店，不過佐敦分店就結業，keep住有6間店。今次第5波疫情，禁6點後晚市堂食再加全城留家抗疫，「燉」生意一落千丈，楊明亦終於捱唔住。起先決定把5間分店停業，只剩一間做外賣生意，莊思明直認生意難撈，加上業主不肯減租共時艱，政府提供的津貼又不輪到他們這些小商戶，食店開一日蝕一日，惟有忍痛停業和解僱員工。後來都係頂唔住，元朗店改名繼續營運，其他分店門市全線停業，改為網上營運。
圖片來源：IG@matyeung、抖音＠莊思明、IG@lisa_chng
