楊怡_web

楊怡獻吻 羅仲謙補晒生日照

流行娛樂

廣告

37歲的楊怡與32歲的羅仲謙今年三月時到英國古堡影結婚照,並會於10月2日正式註冊及擺酒,近日兩人每次合體出席公開場合時都高調放閃,完全唔理其他人感受!早前阿怡生日,謙謙就在公開活動上送心形蛋糕俾太太,而且又攬又錫,咁上月謙謙生日時,佢同阿怡又係點過呢?

資料來源:東方新地

兩人下月就大婚,所以近日出席活動時都毫不避忌,公開晒愛!兩人早前夫妻檔合體出席嫁喜禮餅活動,謙謙在活動上向太太送上心形蛋糕,之後更應大家要求錫老婆面珠;其後玩遊戲時又罕有地在公開場合親䁥,真係閃死人! 活動上阿怡就自爆謙謙生日時自己冇送禮物,咁唔知佢哋點樣慶祝呢?

剛過去的8月28日係謙謙的32歲生日,當日佢出去同朋友開Party亦冇去夜蒲,反而係同未來老婆阿怡在簡簡單單咁過!久未有update IG的謙謙呢日上載一張慶生相,除了有靚靚生日蛋糕,仲見到素顏的阿怡錫佢面珠!謙謙留言:「很久沒更新了!8月28日的照片」網民除了留言祝福,更大讚佢哋兩人愈來愈有夫妻相!

YOU MAY ALSO LIKE ...