楊卓娜IG大曬母女合照 細女越大越靚獲網民力讚!

流行娛樂

廣告

楊卓娜在2009年與「廣告燈箱大王」楊志翹結婚後誕下愛女楊舒然(豹豹)。而楊卓娜的愛女豹豹今年已經14歲,亭亭玉立越大越靚。近日更係IG大曬母女合照,仲寫下相當感人嘅Caption!

楊卓娜細女越大越靚獲網民力讚

現時44歲,有「最強繼母」之稱的楊卓娜近日上傳了細女豹豹的近照,並留言寫道:「14歲啦!話咁快!媽媽又要偷偷抹眼淚,時間真係太快!今日做阿四,lunch送外賣,又要準備晚餐」。從照片中可見,楊卓娜細女輪廓與媽媽越來越似,臉子尖尖越大越靚。作為媽媽睇到子女成長當然感動,網民都紛紛留言大讚豹豹靚到可以參加選美!

楊卓娜 「最強繼母」楊卓娜細女已經14歲,亭亭玉立越大越靚。
「最強繼母」楊卓娜細女已經14歲,亭亭玉立越大越靚。(圖片來源:IG@lennayeung)
楊卓娜 同媽咪一個餅印。
同媽咪一個餅印。(圖片來源:IG@lennayeung)
楊卓娜 早前楊卓娜同老公、細女一起到日本旅行賞櫻。
早前楊卓娜同老公、細女一起到日本旅行賞櫻。(圖片來源:IG@lennayeung)

「最強繼母」誕女14年 未簽紙不求名份

楊卓娜與「燈箱大王」楊志翹一直未辦結婚手續,2009年未婚懷孕,如今囡囡已14歲。對於感情事,楊卓娜曾選擇逃避對方追求,「佢兩個女兒係我做手工藝老師時嘅首批學生,最初佢追我時,我拒絕咗好多次。」多年來楊卓娜和兩個繼女相處融洽,關係如好朋友。不過二人至今仍未正式註冊結婚,楊卓娜表示對方已求婚多次,現時只欠手續。

楊卓娜 兩人雖然未有簽紙結婚,但依然非常幸福甜蜜。
兩人雖然未有簽紙結婚,但依然非常幸福甜蜜。(圖片來源:IG@lennayeung)

楊卓娜與繼女關係極好

楊卓娜同「廣告燈箱大王」楊志翹結婚後,更成了兩個女兒舒婷和舒雅的後母 ,丈夫因早年喪妻,遺下兩名女兒,後來卓娜成了她們的手工藝老師,繼而認識丈夫,舒婷和舒雅既是父母的女兒,更是父母的紅娘。舒婷覺得媽咪雖並非親生,但一樣好偉大,從未為人母仍能接受另一半有兩個女兒。「媽咪一直視我為己出,唔會只對親生好,我同二妹都覺得好warm,有番媽咪愛錫。」一下子成為三女之母,楊卓娜湊BB的同時亦面對大女的青少年反叛期,她覺得青少年問題比湊BB更困難,青少年有自己思想,會質疑父母,她要邊湊邊學,見招拆招。「最重要係喺三個小朋友身上,我都得到好多愛。」

楊卓娜 一家五口融洽,楊卓娜與繼女關係亦非常好。
一家五口融洽,楊卓娜與繼女關係亦非常好。(圖片來源:IG@lennayeung)

三姊妹相處融洽

三姊妹年齡相距頗大,分別27、23和14歲,但年齡毋阻三人融洽相處,兩個家姐對同父異母的妹妹亦毫無隔膜,特別是舒婷比較開朗,在維繫三姊妹的關係亦唔簡單。「妹妹比較內向,好多嘢都收收埋埋,我好多時要主動同佢傾偈先知佢諗咩。一家人嘅性格都唔同,要互相體諒。」卓娜覺得一家人最重要有愛,女兒感到愛就自自然然愛對方,毋須刻意提醒要相親相愛。「佢哋三姊妹都好愛對方,大家姐一有時間就帶兩個妹出去玩。佢哋年紀相差好遠,社交生活完全唔同,不過二家姐同細妹仲係學生,返學放學時間差唔多,一齊喺屋企時間耐啲,所以佢哋更加糖黐豆,細妹甚至視佢為榜樣。」

楊卓娜 楊卓娜家中三個女兒年齡相距頗大,但依然毫無隔膜,相處融洽。
楊卓娜家中三個女兒年齡相距頗大,但依然毫無隔膜,相處融洽。(圖片來源:IG@lennayeung)

撰文:東方新地圖片來源:IG@lennayeung資料或影片來源:原文刊於東方新地