森美再爆戀愛金句 合理化男人花心 解釋壞男人點解受歡迎!

流行娛樂

廣告

《絲打圍佬》搵嚟森美做嘉賓,大講戀愛心得,一向成日爆金句的森美今次都唔例外,連環爆出戀愛金句,指男人要4個女人,仲解釋點解女人都鍾意男人?!

絲打圍爐 絲打圍佬 森美:「人類最重要的不是繁殖,而是把基因留在下一代。」
森美:「人類最重要的不是繁殖,而是把基因留在下一代。」(圖片來源:《絲打圍佬》影片截圖)

森美合理化男人花心?!每個男人都要4個女人

《絲打圍佬》節目一開波,嘉賓森美就表示男女唔只身體構造不同,連腦部構造都好大分別,所以係冇辦法完全明白對方。對於搵老婆,森美就大爆每個男人其實都係想要四個女人,「男人係希望有一個老婆,一個情婦,一個情人,然後再有一個知己,每個位置都可以放一個人,最有趣嘅地方係佢會鍾意以上全部人,好公平對待每個人。」連詩雅聽完呢個獨到見解一頭霧水,森美續以一雙手解釋,每個人對左、右手都好公道,唔會錫右手多啲,而唔錫左手,揚言女人要接受老公或男朋友可以同時擁有兩個女人。森美呢番說話聽落好似好有道理,但諗深一層總係怪怪地,唔知佢老婆受唔受呢?

絲打圍爐 絲打圍佬 森美:「男人係希望有一個老婆,一個情婦,一個情人,然後再有一個知己。」
森美:「男人係希望有一個老婆,一個情婦,一個情人,然後再有一個知己。」(圖片來源:《絲打圍佬》影片截圖)
絲打圍爐 絲打圍佬 森美:「男人係希望有一個老婆,一個情婦,一個情人,然後再有一個知己。」
森美:「男人係希望有一個老婆,一個情婦,一個情人,然後再有一個知己。」(圖片來源:《絲打圍佬》影片截圖)
森美 絲打圍爐 絲打圍佬 連詩雅:「作為女人聽到呢件事好唔放心。」
連詩雅:「作為女人聽到呢件事好唔放心。」(圖片來源:《絲打圍佬》影片截圖)

鍾意壞男人的原因!

森美話戀愛係為咗開心、快樂,而人之所以會得到開心嘅感覺就係嚟自荷爾蒙,而荷爾蒙喺生物角度嚟講,就係繁衍下一代,人類係基因承載機器將基因流傳到下一代。正因為多情嘅壞男人可以俾到女人更多新鮮感、開心感覺,自然會傾向揀壞男人做另一半,同時多情亦代表容易發生親密關係繁衍下一代,「揀個渣男,係確保你嘅仔女有幸福,你個孫出到世,而犧牲女人自己嘅幸福,女人幾偉大呀。」

森美 絲打圍爐 絲打圍佬 連詩雅:「作為女人聽到呢件事好唔放心,好唔想生女,只係想生仔,因為仔可以多情,但不會想女多情。」
連詩雅:「作為女人聽到呢件事好唔放心,好唔想生女,只係想生仔,因為仔可以多情,但不會想女多情。」(圖片來源:《絲打圍佬》影片截圖)
絲打圍爐 絲打圍佬 森美理性分析戀愛其實喺生物角度嚟講,就係為咗繁衍下一代,將基因流傳到下一代。
森美理性分析戀愛其實喺生物角度嚟講,就係為咗繁衍下一代,將基因流傳到下一代。(圖片來源:《絲打圍佬》影片截圖)

男人容易一見鍾情

森美仲分享關於男女睇「成人動作片」嘅唔同反應,佢話男人睇「成人動作片」,身體覺得興奮會直接表達,而女人對於自己要求高好多,就算身體好興奮,都要經過一番計算同思考,認定對方可以長相廝守先會認定係初戀。所以男人喺街上面見到覺得靚嘅女人就好容易一見鍾情,因為男人見到女人有一個好處,就會有興奮感覺。而且男人生理上生育下一代唔需要負責任,好短時間就完成工作,所以唔使太揀擇。

絲打圍爐 絲打圍佬 森美上節目同蝦頭楊詩敏)、連詩雅分析「男人唔壞,女人唔愛」原因。
森美上節目同蝦頭(楊詩敏)、連詩雅分析「男人唔壞,女人唔愛」原因。(圖片來源:《絲打圍佬》影片截圖)

男女關係仍要堅守原則

雖然森美分享男女關係嘅諗法好open,不過佢都提大家有啲嘢一定要堅守,唔係人類進程會完結,例如女性不宜太早獻出第一次,因為俾咗個初 夜出去,男人個腦就會諗女人價值經已下跌,呢段關係好快玩完,最好都係留返喺結婚之後啦。

絲打圍爐 絲打圍佬 森美提醒女性不宜太早獻出第一次,因為俾咗個初夜出去,女人價值便大下跌。
森美提醒女性不宜太早獻出第一次,因為俾咗個初 夜出去,女人價值便大下跌。(圖片來源:《絲打圍佬》影片截圖)

立即睇《絲打圍佬》


森美大哥嘅愛情觀認真獨特!

連詩雅陳家樂何時結婚?

陳家樂去年六月初向女友連詩雅(Shiga)求婚成功,今日一對準新人正式對外宣布婚期大日子定於四月二十四日,並發放3張溫馨甜蜜的婚紗照,跟大家分享兩人的喜悅…詳情請看

連詩雅陳家樂如何相遇?

2人於2020年6月傳出緋聞,因拍攝旅遊節目《12個夏天》相遇,安排到韓國偏遠的…詳情請看

撰文:東方新地圖片來源:《絲打圍佬》影片截圖資料或影片來源:原文刊於東方新地