森美「柴房」抗疫凸現「士啤呔」被網民取笑 下戰書一個月後除衫示眾

流行娛樂

廣告

近日有多名商台員工先後確診,為保障家人安全,身為商台DJ的森美,連日來都在家中「柴房」開咪主持節目和過著自我隔離的生活,森美日前分享一段在「柴房」內做運動的影片,卻被網友發現曾經有過八嚿腹肌的他,現在卻凸現出一條「士啤呔」!

森美:毅力係成功嘅關鍵

現年48歲的森美日前在社交網上載了一條做HIIT影片,並寫著:「有人問我每日做咩運動(其實冇人問),不如同大家分享下(其實分享唔到),好啦我拍低畀你睇啦(冇咩好睇啦),就知辛苦啦(30分鐘咋喎),毅力係成功嘅關鍵(又談唔上),好去片(快啲like完就算)#柴房健身 #真正健心 #hiit」

森美 森美片中所做的HIIT,意思為「高強度間歇訓練」。
森美片中所做的HIIT,意思為「高強度間歇訓練」。(圖片來源:IG@sammy903)
森美 不過近日正Work From Home的森美,似乎已悶到癲,在片中加入了各種騎呢動作。
不過近日正Work From Home的森美,似乎已悶到癲,在片中加入了各種騎呢動作。(圖片來源:IG@sammy903)
森美 做完30分鐘動作後,森美表情非常疲累。
做完30分鐘動作後,森美表情非常疲累。(圖片來源:IG@sammy903)

網民笑森美:要加監趕走個肚腩仔

片中森美除了滿面鬚根,感覺非常頹廢外,在貼身的運動衫下,驚現肚腩,成為網民焦點,紛紛留言取笑他:「Chok樣凸點都唔夠肚腩搶鏡喎」、「士啤呔出晒嚟呀大哥」、「森美大哥有小肚腩」、「點解咁辛苦都趕唔走個肚腩仔嘅?要加監囚禁柴房7天吧!」等等。

森美 森美在影片中滿面鬚根,麻甩味甚濃。
森美在影片中滿面鬚根,麻甩味濃。(圖片來源:IG@sammy903)
森美 雖然森美全程狂縮肚,但都有放鬆嘅時候。
雖然森美全程狂縮肚,但都有放鬆嘅時候。(圖片來源:IG@sammy903)
森美 結果被網民取笑Chok樣、飛釘兼凸腩!
結果被網民取笑飛釘兼凸腩!(圖片來源:IG@sammy903)

森美:一個月,我會再除衫!

森美凸腩做運動的影片被網民取笑後,森美不甘示弱,話自己「鬥志返嚟啦!」,更說:「戰書我已寫下,一個月,柴房健身!我要有成績!我會再除衫!(可能除,我有少少淆底,如果唔得就咁認衰得唔得?肥豬仔肚影相太可愛啦!)密切留意,健森過程。柴房健身,真正健森。」

森美 森美下戰書,話一個月後會再除衫見大家!
森美下戰書,話一個月後會再除衫見大家!(圖片來源:IG@sammy903)
森美 不過又淆底,話肥豬仔肚影相其實都好可愛。
不過又淆底,話肥豬仔肚影相其實都好可愛。(圖片來源:IG@sammy903)

麥美恩懷念大鵰出沒

連麥美恩(Mayanne)都留言話:「我都係最懷念當年沙灘…大鵰出沒。」丁子朗就用3把火emoji為森美加油,而森美就繼續「反擊」說:「疫情下,冇健身室,冇髮型屋,頭髮,冇修,身材,冇修,你同我應該一樣!我努力!一個月後見!#柴房健身 #真正健森」

森美 麥美恩同丁子朗相繼留言。
麥美恩同丁子朗相繼留言。(圖片來源:IG@sammy903)
森美 呢幾張係麥美恩所指,森美當年在沙灘上被本刊影到的「大雕出沒」照。
呢幾張係麥美恩所指,森美當年在沙灘上被本刊影到的「大雕出沒」照。(圖片來源:東方新地)
森美 除咗凸鵰之外,當日森美仲凸腩又露股!
除咗凸鵰之外,當日森美仲凸腩又露股!(圖片來源:東方新地)
森美 仲有呢幾張係森美同丁子朗在節目《森美旅行團》中一齊晒肌浸浴嘅畫面。
仲有呢幾張係森美同丁子朗在節目《森美旅行團》中一齊晒肌浸浴嘅畫面。(圖片來源:《森美旅行團2》截圖)
森美 當時森美仍有8嚿腹肌。
當時森美仍有8嚿腹肌。(圖片來源:《森美旅行團2》截圖)
森美 完全冇肚腩!
完全冇肚腩!(圖片來源:《森美旅行團2》截圖)
森美 呢張係2019年拍第3輯《森美旅行團》時影嘅。
呢張係2019年拍第3輯《森美旅行團》時影嘅。(圖片來源:TVB)
森美 仲有森美曾經分享嘅肌肉照,但冇講係幾時影嘅!
仲有森美曾經分享嘅肌肉照,但冇講係幾時影!(圖片來源:Facebook@森美)

森美獲日本傳媒封為國民主持

此外森美近日衝出香港,被日本傳媒封為「國民人氣電視主持」,原來日本有一本男性雜誌,在專欄中介紹森美為:「亮眼時尚、狀態絕佳的人氣主持。因為風趣的應對和爽朗的性格而備受歡迎的48歲森美。除了電視主持,作為電台DJ、演員、歌手也相當活躍。外形也是公認的好,只要他存在,畫面就充滿時尚感。」

森美 森美特登叫日本朋友幫佢買呢本雜誌做紀念。
森美特登叫日本朋友幫佢買呢本雜誌做紀念。(圖片來源:IG@sammy903)

小儀:點解唔話你係香港天王巨星

雖然麥美恩同小儀都唔係好認同篇報道形容森美係歌手,但森美就話覺得好驚喜,笑言:「國民主持,抬舉喇!不過時尚!我好認同!人生快樂就係咁簡單,一篇小小嘅介紹竟然可以咁驚喜,可能近排疫情真係太苦啦!這令我很滿足!唔係疫情我即刻過日本發展!哈!講笑!」

森美 麥美恩同小儀都對森美係歌手呢個說法表示懷疑,小儀更接連話:「歌手?點解唔話你係香港天王巨星㗎!」
麥美恩同小儀都對森美係歌手呢個說法表示懷疑,小儀更接連話:「歌手?點解唔話你係香港天王巨星㗎!」(圖片來源:IG@sammy903)
森美 其實森美真係出過歌,2007年仲以同老死細So、Leo、陳強組成「森美移動」出過唱片!
其實森美真係出過歌,2007年仲以同老死細So、Leo、陳強組成「森美移動」出過唱片!(圖片來源:新傳媒照片庫)

關鍵詞
森美
撰文:東方新地圖片來源:IG@sammy903