梁詠琪音樂會圓滿落幕：回憶、淚水與歌迷不捨

一連五場的《梁詠琪 時間遇上我們～專屬的特別》Side Track音樂會在演藝劇院舉行，梁詠琪（Gigi）在最後一晚（12月1日）為觀眾帶來了《哭了》和自己作曲的《同班同學》。儘管如此，現場觀眾依然意猶未盡，完騷後仍拒絕離場，不斷呼喊encore。最終Gigi再次登台，在音樂總監趙增熹的即興鋼琴伴奏下，獻唱經典歌曲《灰姑孃》，並與全場觀眾大合唱，為音樂會畫上完美的句號。

音樂會深刻回憶與感動

Gigi形容這次音樂會為「人生解鎖」，她分享了選歌的過程及其意義，「例如我揀嘅成長三步曲，《好不好》、《因果》、《等人》，這些歌很出色，我不時都會攞番出嚟聽，有好多回憶喺裡面，揀歌方面自己就好滿足，當然歌迷依然有海量嘅要求，哈哈！真係唱唔晒呀。」她坦言在第四和第五場因太投入而感動哽咽，「例如今晚唱《好不好》，我只是好投入去唱，但突然間，唱到某句歌詞，點知好想喊，要即刻㩒住自己，唔好太過激動，因為會影響唱歌。仲有第四場唱《迴旋木馬的終端》，因為見到有台下歌迷流淚，我又忍唔住，你知我一見到人喊就會被感染，而且呢啲歌陪住我好耐，亦都陪住佢哋，呢幾晚我哋一齊製造咗一個回憶嘅畫面，用『感動』都形容唔到，係大家一齊陪我經歷咗這個過程的那種滿足感同開心。」

舞台上戲劇與回憶

在音樂會中，Gigi邀請了同公司的師弟陳獻略（Henry）一同參與，他們在台上演繹搬屋的獨腳戲，透過執拾家中物件回想舊人舊事。「我同Henry一齊喺舞台，製造了一個平衡時空，雖然冇交匯過，卻反而製造一種『觸不到的距離』的美，我覺得Henry做得好好，又要彈結他又要做戲，我見到佢有段戲眼濕濕。」Henry也分享了他的感受，「首先要多謝Gigi嘅信任，同埋我好鍾意個故事，其實我搬屋嘅時候，思緒都會好複雜，所以好容易代入到個情景裡面，其實綵排嘅時候，一聽到《春逝》我已經喊咗出嚟，同埋每晚我感覺都好唔同，情緒會有唔同起伏，每晚嘅演繹方式都有唔同。」

與歌迷共創珍貴回憶

每晚Gigi都會在台上分享不同的昔日珍藏，從19歲初入行時的日本雜誌封面到非洲拍攝的寫真集，以及她參與的第一套電影和首張個人廣東碟簽唱會的報紙全版廣告，這些都是她與歌迷共同的美好回憶。她對於在演藝劇院舉行音樂會感到特別，「個舞台好靚，係一個八角形，加上台面用木紋地毯砌成，感覺好warm，觀眾同我好近，feel到又見到晒佢哋，非常enjoy喺呢度做音樂會。」