梁祖堯、MIRROR合作開Live!姜濤為食仔上身食唔停、網民:食相好可愛!
廣告
近日梁祖堯與MIRROR成員上ViuTV facebook一個名為「《調教你MIRROR》醉後的晚餐」直播,曾是肥仔的姜濤餓鬼上身食不停,相當可愛,即刻睇下咩事!
梁祖堯因《調教你MIRROR》成為戰靶
與ViuTV十分友好的梁祖堯早前因為ViuTV節目《調教你MIRROR》捲入姜濤鬧fans紛爭,又不幸成為戰靶。雖然如此,但梁祖堯與MIRROR沒有芥蒂,更一齊開Live,他們齊上ViuTV facebook一個名為「《調教你MIRROR》醉後的晚餐」直播。
梁祖堯:我叫花姐放手唔好喺度
直播時,梁祖堯重提「梅窩鬧fans」一事,他提到大家都知FANS對偶像的愛,是十分好偉大和重要。很多人好努力,但沒有FANS支持,所以MIRROR是幸運的。另外,梁祖堯又指今次叫花姐不要在場:「有咁多fans,務必要好好珍惜。不過今次喺拍攝中間,有時見到fans行出馬路會有危險,有時亦會阻礙拍攝,令到工作做唔到。一直諗個節目出街,啲人就會明,因為希望佢哋喺呢個節目中,做一個有血有肉嘅人,大家都知呢一行,當有人喺度,有經理人喺度、有fans喺度,未必做到最真正真實嘅自己,接拍呢個節目前,我都好殘忍同花姐講,叫佢放手唔好喺度,而fans有幾愛佢哋,佢哋係知亦一定會珍惜,亦見到佢哋今次係冒險做呢個狠心嘅決定,事實上,我覺得佢哋係好真誠。雖然個節目做咗一半,但我好愛佢哋,佢哋已經係我一家人。」
姜濤餓鬼上身食不停 直言:所以之前講嗰啲說話,係真係有掙扎過
人氣勁高的姜濤曾是肥仔,他在今次Live中未有停過口食野,簡直是餓鬼上身。最後被MIRROR其他成員夾硬收起筷子,相當好笑。姜濤提到:「多謝大家,多謝阿祖(指著面前的雞煲),呢個trip,外界對於我係有諗法,我覺得要回應返fans,出道以嚟,一定離唔開fans嘅幫助,所以之前講嗰啲說話,係真係有掙扎過,但諗過如果係因為阻礙到工作,我係需要講出嚟。」