ERROR肥仔新歌MV被Candy王家晴騎劫！粉絲不滿：有無尊重過主角？
梁業＠ERROR MV被王家晴＠COLLAR騎劫！？
ERROR梁業全新派台作品〈Phat N Fresh〉，節奏澎湃的跳唱歌，MV有大量跳唱場面，梁業自言是一個自肥MV，與Candy在MV「談情」，梁業在MV中遇見任職收銀員的Candy，當對方女神一樣，MV內有大量Candy大頭、慢鏡及close up長腿，就算跳群舞時，鏡頭都不時對正Candy，錯粉在討論區怒轟「騎劫完ERROR套劇《極度俏郎君》之後，而家又勢劫隊長肥仔新歌MV，喺隊長YT個MV度洗版變成佢嘅大型誇䛴群」。
粉絲不滿：Candy不停有大頭
ERROR粉絲留言指：「呢個係尊重問題，仲要出埋〈Phat N Fresh〉應援物，無落過主唱肥仔個名，變咗自己係主角，班人完全忘記肥仔先係主唱喎，呢啲係尊重問題」、「有乜偶像有乜粉絲」、「出埋手幅、咭、一堆嘢但完全無提及係隊長」、「佢班粉都得架啦」、「首MV佢出現次數拍得住主角肥仔，仲有不停大頭，連跳舞都係影住佢」。
《極度俏郎君》都被騎劫？
錯粉又指Candy似乎亦當自己是主角，「你睇Win Win同Candy做法幾唔同，就知係咪有人有心囉」、「WinWin只係即時動態多謝肥仔，Candy係狂貼單人MV照片」、「《俏郎君》佢做宣萱年輕版，宣傳重點同話題都落晒佢度啦」、「騎劫ERROR都唔係第一次啦」等等。
梁業怕Candy跟不上舞步
肥仔話今次係自肥MV，不過佢最擔心Candy較難Pick Up舞步，COLLAR經理人Wing就話：「啱喇，迫佢跳多啲！」就因為這一句，Candy落力排練，肥仔大讚她大有進步：「Candy都好勤力，有段Dance Break，開頭都有問會唔會覺得太難跳，可以選擇唔跳，但Candy最終揀咗跳，咁佢就要自己攞條命出嚟！不過有難度先有挑戰，留喺Comfort Zone冇意思。」Candy自己都認同：「係呀，依家跳到都幾開心。肥仔大讚對方即使中途有不適仍繼續頂落去跳到最尾，直言要給對方120分！
