梁詠琪演唱會｜商台DJ梁文禮私人FB激踩4宗罪 公開帳號就大讚？
廣告
相隔5年再踏紅館舞台嘅梁詠琪（Gigi），日前演唱會正式開鑼，頭場嘉賓更有Edan呂爵安同張敬軒！咁耐無開騷當然吸引唔少圈中人去睇啦，好似有鄭中基一家四口、張繼聰同太太謝安琪、仲有余香凝等等，當中仲有商台DJ梁文禮，事後睇完騷嘅佢係IG 分享story大讚gigi其中一個造型好睇，不過就有爆料者就指疑似喺梁文禮facebook搵到佢po出同一張相，但內容就竟然超相反！
梁詠琪演唱會｜狠批4宗罪！狠批造型
梁文禮係私人Facebook上狂數gigi演唱會4宗罪，包括flow差、歌編得差、舞差同埋唱功差，仲形容gigi嘅歌喉同唱K一樣，直言無諗過咁離譜，「連《愛自己》都入唔到呀大佬 ，我全晚都睇得好猛，坐立不安。」不過彈完梁文禮都有讚返就係gigi嘅短髮look同身形，「因爲可以將醜嘅衫都carry得好，好似呢件「着上一張抹完鼻血嘅紙巾」咁。」
梁詠琪演唱會｜網民力撐Gigi：梁文禮份人「好假」
報導一出後當然好快就成為網民討論話題，大部分網民力撐gigi一向都係賣玉女青春偶像，拎唱功去比較根本係錯重點，亦有親身到場睇騷嘅網民都有留言話gigi唱得唔錯，而且演唱會編排有心機，狠批梁文禮份人「好假」。
梁詠琪演唱會｜部分服裝從外國訂造
其實今次Gigi演唱會內容編排有故事性，所以係服裝設計上會帶有情感元素，特別邀請幾位設計師為個唱準備戰衣，部分靚衫專程喺外國訂造。
梁詠琪演唱會｜梁文禮被網民數返轉頭！
其後網民都有數返梁文禮幾宗罪，首先係佢主持嘅叱吒樂壇經常講錯資料，又狠批佢有份參與策劃嘅叱吒音樂會，係浪費啲歌手陣容，網民直言可以順便評下自己嘅嘢。
圖片來源：facebook@Leung Maymay、facebook@foliesbergere
