消失螢幕近一年！梁嘉琪回歸有線電視主持飲食節目：放長雙眼睇我肥成點啦！

撰文：Andy｜圖片：梁嘉琪IG、《學是學非》 截圖｜編輯：海月

消失螢幕近一年 梁嘉琪回購有線電視主持飲食節目

因《學是學非》而人氣大熱嘅梁嘉琪於2020年與TVB約滿後就離巢，佢消失喺螢幕近一年嘅時間，直到今年2月出任港台電視31週末節目主持人先再一次出現喺大家視線。

近日，梁嘉琪喺IG上透露，自己會翻到有線電視，為香港開電視拍攝拍攝飲食節目。更揶揄自己即將變肥，更呼籲大家：「放長雙眼睇我肥成點啦！」

梁嘉琪稱自己將主持香港開電視嘅飲食節目——《關於早餐的一些事》。佢為節目預熱，希望節目5月出街能有好成績。

佢喺IG出post稱：

「明天開始成個月開始増肥之旅喇！嚟緊你地要晚晚開電視喇！新嘅飲食節目五月開始喺「開電視」同你地見面不負我望，個rundown不斷食食食，你地放長雙眼睇我肥成點啦！」

由有線到TVB 兜兜轉轉翻到原點

梁嘉琪於有線電視出身，今次為香港開電視拍攝新嘅飲食節目可以話係「翻娘家」。佢於2003年尚未畢業已獲有線邀請擔任娛樂台主播。

之後，佢參加電視劇《伙頭智多星》女主角招募並成功奪冠，順利加入有線電視，成為《怪談》嘅節目主持人。

2007年，梁嘉琪在演藝班同學兼好友嘅王祖藍引薦下加入TVB。

入TVB發展並不順遂 埃足4年先獲人氣

梁嘉琪加入無綫電視後發展並不順遂，起步僅僅係被派去無綫電視收費頻道主持節目。

其後先慢慢獲得係TVB劇集出現配角嘅機會。惟可惜觀眾對佢嘅演技並不滿意，因此獲得演出劇集嘅機會並不多。

直到2013年，佢先憑《學是學非》而人氣急升。其後再次獲得拍TVB電視劇，並大多擔任女主角。

當梁嘉琪以為自己未來可期嘅時候，佢好友余詠珊權鬥失勢。導致余詠珊派嘅佢被TVB投閒置散，並且不獲續約。