【林鍾大戰】梁裕恆公開挑鍾培生：讓你單手都KO你！鍾培生：多謝

撰文：Lmc｜圖片：梁裕恆IG、鍾培生IG、林作IG｜編輯：海月

梁裕恆：我出手無你咁低，我比100萬零1蚊你

落選港男「抽水王」梁裕恆向來喜歡抽水上報，他有自己的社交平台表示：「林作一句 『抄我？100萬 』鍾生都話要打人，希望鍾生都會想打我！不過我出手無你咁低，我比100萬零1蚊你！睇你敢唔敢應約#撐杜生」

鍾培生反擊：多謝你幫我找林作條數，留名等走數

從來不認輸的鍾培生當然反擊，他回覆梁裕恆：「我不嬲都唔係好覆傻仔，除非有着數。多謝你幫我找林作條數，留名等走數。」鍾培生更指會奉陪到底，又提供銀行戶口號碼。

之後梁裕恆又回覆：「鍾生等錢洗，無問題。認真既，100萬零1蚊打贏我攞去。4月隨時打可以，唔帶頭套，問題係你敢唔敢，敢既傾埋啲細節，我隨時奉陪！留名等睇你走數！只係我抽小小時間去玩下一隻發窮惡既芝娃娃，大家可以不需理會，只係我幫人教下仔，等佢唔好以為有小小錢係香港就惡晒。係香港有財有品既人比比皆是，對我嚟講佢就好似一個未出世既小朋友，仲係老豆個春袋裡面游下游下，完全未見過世面，唔講咁多。總之讓你單手單腳，唔帶頭套，打贏我100萬零1蚊攞去。你輸左1蚊都唔洗攞出嚟。」

梁裕恆向來愛抽水 曾偵探上身評論「安心事件」

除了今次參一腳外，其實梁裕恆向來也喜愛抽水。「安心事件」曝光後，梁裕恆拍片抽水，更如偵探上身，當時他提到：「車入面有4個角色，一個負責揸車嘅，一個係第三者，即係肥仔，冇咗肥仔成件事能唔能夠成功呢？嗰個揸車嘅係咪又係單純係揸車咁簡單？香港所有車都係右軚，而所有車cam正常都係會影住左手邊，因為乘客通常都係喺左手邊上落，當晚許志安坐右手邊，點解個車cam一早會對住右手邊？佢點樣可以一早預先知道許志安會坐喺右手邊呢？車入面邊個角色做到呢件事？」梁裕恆更質疑馬明同Sammi在事件發生後冷靜得不尋常，不過網友就認為他抽水居多。