林超英慳水一個月唔洗褲：下身不留汗 網民：人真係可以唔出汗？

林超英自爆「一個月唔洗褲」：我實驗證明咗無問題

在LIHKG討論區近日有一帖文以「林超英為慳水一個月唔洗褲：下身不留汗」為題發文，指前天文台台長林超英近日接受媒體訪問時表示自己為慳水而「條褲著足一個都唔洗」，又指「人流汗主要集中喺上身，下身唔會流汗，我實驗證明無問題」，反問「名牌牛仔褲唔洗，大家又唔覺得有問題」。他這番言論一出，旋即在LIHKG討論區引起關注。

林超英以前亦曾公開表示自己「好多年無用番梘」，認為「咁做可以省卻淋濕身、搽番梘再沖水嘅耗水量，時間又慳返D，所以沖涼一分鐘多啲就得」、「當身體出汗或者皮膚沾上塵垢，其實只要用水一沖就乾淨，到底仲要番梘嚟做咩？」

網民：諗起都覺好臭！

不少網民得悉他的言論後，表示「齋諗個畫面都好臭」，更好奇「佢真係未試過下半身流汗咩，好荒謬」、「咁背脊都會流汗落條腰，36度行出街，大腿都有汗啦」。亦有網民指「替佢老婆可憐，日日聞住嗰啲味」、「如果搭車坐低，佢喺前面行過，實聞到」、「為咗慳水，會唔會過濾返D小便來飲」、「正常人着幾日都會臭，肯定勁大浸尿餲味」、「以為佢唔開冷氣但狂沖涼，點知褲都唔洗」、「如果係冬天着短褲應該着足一兩個月都唔會臭嘅，但長褲就點都要洗啦」、「出去公廁去廁所，褲腳點都會掂到地下，好污糟囉」、「又拎外國嚟比，佢講真係好臭啊救命」。

養牛仔褲不等於「唔洗褲」

至於他提到為何外國人不洗牛仔褲就沒有問題，有網民翻查資料，指外國人所指的「養牛仔褲」，是指「長穿少洗」，使褲子自然褪色，形成貼合自己身形的褶皺和貓鬚，從而形成獨一無二的牛仔褲。但網民強調牛仔褲「始終都係要洗」，只是要「洗得小心啲」。就如品牌Levi’s曾經舉辦《養牛一年》的比賽，當中3名得獎者分享自己的「養牛心得」時都指自己有洗褲，有人以手洗清潔，有人照樣放進洗衣機清洗，有人強調「洗褲同養牛」是可相提並論，「機洗同浸洗」都一樣得。因此，網民重申「係咪曲解晒養牛仔褲意思，人哋唔係為咗有貓鬚而唔洗褲，係洗得特別有工序」！