林峯老婆張馨月OOTD被狠批穿搭奇怪 網民：沒有最老土 只有更老土

張馨月OOTD被狠批老土：這褲子是非主流時穿

張馨月周不時喺抖音分析吓生活點滴、扮靚心得、穿搭等，近日就喺抖音po咗一條有關OOTD的影片，指自己去咗杭州玩，介紹自己準備去好友家作客的穿搭，首先佢揀咗一件粉紅色小香風外套，再搭同色上衣，襯一條7分牛仔褲，仲強調條褲超越顯瘦大推，張馨月再配上超閃包包同埋bling bling耳環等。就咁睇落都好似無咩問題，點知畫面一轉，張馨月著晒上身之後，就顯得有啲奇怪，最奇怪佢一身名媛但又搭對白色襪短襪加波鞋。唔少網民都留言指佢整體穿搭好奇怪，更狠批佢老土「沒有最老土，只有更老土」「你還是去學學穿搭吧」「我以為褲子已經夠土了，直到你拿出蝴蝶結的全鑽包」「褲子好多年前的模樣」「這褲子幾年前已被淘汰」「這褲子是非主流時穿」「鞋同襪嚇死我」「粉色不適合土氣的人穿」不過都有網民力撐張馨月襯得好好睇「我覺得很好看」「身材好好，穿什麼都好看」

網民：吳千語高級很多

張馨月仲po一條不同穿搭的影片，網民不斷拎林峯前度吳千語比較，仲覺得張馨月抄吳千語「吳千語：一直被模仿，從未被超越」「吳千語高級很多」「跟吳千語學穿搭」

一齊睇埋千語bb日常穿搭：